27 lutaha 2020 hoda testy, praviedzienyja ŭ Respublikanskim navukova praktyčnym centry epidemijałohii i mikrabijałohii, pakazali najaŭnaść karanavirusa 2019-nCoV u adnaho sa studentaŭ ź Irana, jaki prybyŭ rejsam z Baku 22 lutaha.
Pacyjent i ludzi, jakija kantaktavali ź im, byli źmieščanyja ŭ začynienyja boksy ŭ Minskaj infiekcyjnaj balnicy.
Minzdaroŭja paviedamiła pra heta na nastupny dzień — 28 lutaha.
Z kanca sakavika Minzdaroŭja pačało štodnia paviedamlać pra kolkaść vypadku kavidu ŭ dzień, ale mnohija ličyli hetu statystyku niepraŭdzivaj.
Ź lipienia 2022 hoda pra statystyku naohuł zabyli.
Pavodle źviestak Minzdaroŭja, za ŭvieś pieryjad raspaŭsiudžvańnia infiekcyi (ad sakavika 2020-ha pa lipień 2022-ha, bolš novych danych nie publikavałasia) pamierli 7 118 pacyjentaŭ z vyjaŭlenym COVID-19, a pierachvareli na kavid 994 tysiačy 337 čałaviek
Adnak «Kibierpartyzany» znajšli, što karanavirusnaja infiekcyja jak pryčyna śmierci ŭ dakumientach prastaŭlenaja ŭ 22 759 vypadkach — heta značyć, bolš jak u try razy, čym u aficyjna abvieščanaj uładami kolkaści achviar kavidu.
Aficyjnaja statystyka nie ŭličvała śmierciaŭ pacyjentaŭ ad uskładnieńniaŭ roznych chvarob, vyklikanych karanavirusam. U takich vypadkach u paśviedčańniach ab śmierci COVID-19 nie adznačałasia, a fiksavałasia asnoŭnaja chvaroba.
Raźliki «Kibierpartyzanaŭ» nie adroźnivajucca ad vynikaŭ daśledavańnia, apublikavanaha raniej u navukovym časopisie The Lancet, na asnovie źviestak pra śmiarotnaść, jakija ad biełaruskich uładaŭ atrymlivała AAN.
Vučonyja vyličyli, što zališniaja śmiarotnaść u našaj krainie z 1 studzienia 2020-ha pa 31 śniežnia 2021 hoda pieravysiła 85 600 čałaviek. Na toj momant zališniaja śmiarotnaść za studzień — sakavik 2022 hoda była jašče nieviadomaja.
Kamientary
...
tady, kali my znatna pakatalisia ŭ Bukaŭli...