Sabaka pravieŭ u tralejbusach i aŭtobusach Hrodna amal ceły dzień. Pra zdareńnie raspaviadaje «AvtoHrodno».
Ź piataj hadziny ranicy sabaka pa mianušcy Najda kataŭsia pa Hrodnie: pieraskokvaŭ z tralejbusa na tralejbus i z aŭtobusa na aŭtobus. Jaho bačyli, ale nie mahli złavić.
Vyratavała jaho kiroŭca tralejbusa №12, jakaja ŭziała sabaku da siabie ŭ kabinu.
Uvieś dzień sabaku šukała jaho siamja.
«My žyviom u pryvatnym siektary na Janki Kupały i viečaram našy dzieci zabylisia začynić bramku. Siońnia ranicaj my zaŭvažyli, što Najda ŭciakła. Ja adrazu ž raźmiaściła abjavy pra pošuk u roznych čatach i mnie pačali prychodzić paviedamleńni ad roznych ludziej pra toje, što naš sabaka katajecca na hramadskim transparcie», — raspaviadała raniej Kaciaryna, haspadynia Najdy.
Adkul u sabaki takaja luboŭ da aŭtobusaŭ i tralejbusaŭ, skazać składana.
Kamientary