«Ludziej evakujavali ŭ kłub». Što adbyvałasia ŭ vioscy Brahinskaha rajona paśla padzieńnia rasijskaha drona
U paŭdniovaj častcy Brahinskaha rajona, nad jakoj fiksujucca rehularnyja tranzitnyja praloty rasijskich udarnych bieśpiłotnikaŭ, jany časam i padajuć. Naprykład, adzin z takich vypadkaŭ adbyŭsia nočču 1 lutaha, kali BPŁA ŭpaŭ na paŭnočny ŭschod ad vioski Małažyn Brahinskaha rajona — u poli za staroj piłaramaj, daviedaŭsia «Fłahštok».
«Dron upaŭ, ale nie vybuchnuŭ. Pryjazdžali sapiory i inšyja słužboŭcy. Častku ludziej, jakija žyvuć u rajonie padzieńnia, evakujavali ŭ kłub. Chacieli na miescy padarvać, ale zatym kudyści vyvieźli — vybuchu nie było. Ułady nikomu nikomu nie kazali, čyj heta dron, ale ludzi i tak viedajuć, što adbyłosia», — raskazała «Fłahštoku» krynica.
Ź jaje słoŭ, rasijskija drony pry napadach na Ukrainu pralatajuć nad vioskaj časta, i «ŭsie bolš-mienš pryvykli da hetych palotaŭ».
Infarmacyja pra pralot BPŁA nad Małažynam vieryfikujecca paviedamleńniem manitorynhavaha kanała «Biełaruski Hajun». Prajekt, jaki niadaŭna spyniŭ svajo isnavańnie, 1 lutaha apublikavaŭ schiemu ruchu troch dronaŭ typu «šachied», pieršy ź ich zalacieŭ z terytoryi Ukrainy ŭ 05:06, kali BPŁA lacieŭ na Brahin, praz Małažyn. Avijacyja VPS Biełarusi ŭ tuju noč i ranicaj nie padymałasia.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski19
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary