Premjer Litvy pakazaŭsia ŭ adnych płaŭkach i ŭraziŭ svajoj fizičnaj formaj
Premjer-ministr Litvy Hintaŭtas Pałuckas (45 hadoŭ) padzialiŭsia videa, na jakim pakazaŭ svajo chobi. Pałuckas naležyć da maržoŭ. Na videa bačna, jak premjer vybiahaje z mora na bierah i apładziruje. U jaho za śpinaj — mnostva amataraŭ zimovaha kupańnia, piša Delfi.
U videa premjer pakazaŭ vydatnuju fizičnuju formu. U kamientarach na fejsbuku jamu pišuć słovy zachapleńnia.
«Śviatkujem sinchranizacyju — kab u vas nikoli nie skončyłasia enierhija!» — padpisaŭ jon videa. Heta adsyłka da taho, što krainy Bałtyi sinchranizavali svaje elektrasietki z Zachodniaj Jeŭropaj i całkam adklučyli ich ad Rasii.
8 lutaha ŭ Bałtyjskim mory kupalisia kala 600 entuzijastaŭ, jakija źjechalisia z roznych haradoŭ Litvy: ź Vilni, Kaŭnasa, Kłajpiedy, Šaŭlaj, Paniaviežysa i inšych. Siarod maržoŭ byli i dzieci.
Śviata pałanhskich maržoŭ adbyłosia na ŭzmorji ŭ 38-y raz. Pieršy raz jaho praviali ŭ 1987 hodzie.
Kamientary