U Biełarusi ŭsio ž taki zabaroniać Chahi Vahi. Ministr adukacyi ličyć, što hetaja cacka pravakuje hvałt
U novy zakon ab pravach dziciaci ŭnieśli zabaronu na raspaŭsiudžvańnie cełaha šerahu dziciačych cacak.
U Biełarusi źbirajucca zabaranić niekatoryja cacki, stvoranyja na asnovie hierojaŭ kampjutarnych hulniaŭ i filmaŭ. Takaja norma źjaviłasia ŭ zakonaprajekcie pa pytańniach zabieśpiačeńnia pravoŭ dziaciej, jaki siońnia pryniaty Pałataj pradstaŭnikoŭ u pieršym čytańni.
Pradstaŭlajučy zakonaprajekt, ministr adukacyi Andrej Ivaniec raskazaŭ, što takaja norma źjaviłasia paśla zvarotaŭ nieabyjakavych hramadzian i baćkoŭ.
Jak prykład cacki, jakuju źbirajucca zabaranić, Ivaniec pryvioŭ Chahi Vahi, ź jakim užo daŭno zmahajucca prarasijskija aktyvisty.
«Na žal, my bačym, što siońnia ŭ adkrytym prodažy majucca cacki, jakija, vidavočna, nie mohuć być pryznačanymi dla dziaciej. Adnym ź jarkich prykładaŭ źjaŭlajecca cacka Chahi Vahi, jakaja vyjaŭlenaja ŭ vyhladzie adsutnaści vačej, adsutnaści inšych častak cieła. Heta značyć naŭmysna źniaviečanaja vyjava ci to dziciaci, ci to lalki. Jakaja biezumoŭna vychoŭvaje i padšturchoŭvaje našych dziaciej da taho, što heta źjaŭlajecca normaj. Adpaviedna paśla moža pravakavać i hvałt, i skažonaje ŭjaŭleńnie pra dabro i zło», — zajaviŭ Ivaniec.
Pavodle jaho słoŭ, Minadukacyi praviało manitorynh kram i handlovych placovak dy znajšło tam inšyja cacki, jakija mohuć nanieści škodu zdaroŭju i žyćciu dziaciej.
Biełaruskija čynoŭniki ŭžo prapanoŭvali zabaranić Chahi Vahi nie tolki ŭ krainie, ale i na ŭzroŭni JEAES.
Biełaruś prapanuje zabaranić Chahi Vahi na ŭzroŭni JEAES
Zamiest Chahi Vahi — Karłsan. U Baranavičach u sacyjalnaj rekłamie sučasnyja malunki dla dziaciej pieramalavali na savieckija
Dla ŭdziełu ŭ aficyjnaj jalincy homielskamu Chahi Vahi vyrvali zuby i pryšyli vušy
Hałoŭny monstr 2022 hoda: chto taki Chahi Vahi, ad jakoha ŭsie fanaciejuć?
Da «Dnia narodnaha adzinstva» pamiłavali 25 čałaviek4
Kamientary