Tramp zabaraniŭ transhiendarnym spartsmienkam udzielničać u žanočych spabornictvach
«Z hetaha času žanočy sport budzie tolki dla žančyn», — skazaŭ prezident ZŠA.
Prezident ZŠA Donald Tramp padpisaŭ anansavany raniej ukaz, jaki zakryvaje transhiendarnym spartsmienkam dostup na žanočyja spartyŭnyja spabornictvy, paviedamlaje Bi-bi-si.
«Z hetaha času žanočy sport budzie tolki dla žančyn, — skazaŭ Tramp u asiarodździ žančyn i dziaŭčynak-spartsmienak pierad padpisańniem ukaza ŭ Biełym domie. — Z hetym ukazam vajna z žanočym sportam skončanaja».
Ź jahonych słoŭ, ZŠA buduć admaŭlać u vizach transhiendarnym spartoŭcam.
Ukaz budzie mieć siłu pieravažna na školnych, univiersiteckich i amatarskich spabornictvach, adnak Tramp zajaviŭ, što budzie damahacca ad Mižnarodnaha alimpijskaha kamiteta źmieny praviłaŭ u dačynieńni da spartoŭcaŭ-transhiendaraŭ da pačatku Alimpijskich hulniaŭ u Łos-Andželesie ŭ 2028 hodzie.
«U apošnija hady mnohija adukacyjnyja ŭstanovy i spartyŭnyja asacyjacyi dazvolili mužčynam spaborničać u žanočych vidach sportu. Heta źnievažalna, niespraviadliva i niebiaśpiečna dla žančyn i dziaŭčynak i pazbaŭlaje ich roŭnych mahčymaściaŭ udzielničać i mieć pośpiech u spabornickich vidach sportu», — havorycca va ŭkazie «adchileńnie mužčyn ad žanočaha sportu».
Padčas svajoj inaŭhuracyjnaj pramovy Tramp abviaściŭ, što dziaržaŭnaja palityka ZŠA budzie pryznavać tolki dva poły — mužčynski i žanočy, paśla čaho taksama padpisaŭ adpaviedny ŭkaz. Jak adznačaje CNN, pierš čym padpisać ukaz u sieradu, Tramp paŭtaryŭ letašniaje iłžyvaje śćviardžeńnie ab tym, što dźvie alimpijskija čempijonki, jakija zavajavali zołata ŭ spabornictvach pa boksie siarod žančyn u 2024 hodzie, byli mužčynami, jakija ŭčynili transhiendarny pierachod.
«Chto moža zabycca letašnija Alimpijskija Hulni ŭ Paryžy, dzie mužčyna-baksior skraŭ załaty miedal u žančyn, tak žorstka Raspraviŭšysia sa svajoj spabornicaj, što jana była vymušanaja zdacca paśla 46 siekund boju, i heta byŭ čempijonski boj», — skazaŭ Tramp.
Hetyja śćviardžeńni Trampa nie adpaviadajuć rečaisnaści. Dźvie alimpijskija čempijonki, Iman Chielif z Ałžyra i Lin Jujcin z Tajvania, nikoli nie ździajśniali pierachod. Abiedźvie jany byli vyznačany jak žančyny z naradžeńnia i zaŭsiody vystupali na spabornictvach jak žančyny.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Nazyvajcie fašystam ci transforbam, ale mužčyna = mužčyna, žančyna = žančyna. Bijałohija, nie ideałohija.
Heta realna vyklikaje śmiech, i žadańnie ŭsio heta zamiemasić.