Užo nie pieršy hod Instytut koleru Pantone abiraje spakojnyja i ŭtulnyja adcieńni. U 2024-m heta byŭ «piersikavy puch». Sioleta — «mus moka» (Mocha Mousse). Heta ciopły karyčnievy koler, jaki maje lohki piersikavy abo karamielny padton. «Naša Niva» zapytałasia ŭ stylistki, z čym spałučać hety koler i kamu jon pasuje.
Stylistka Hanna Pryšyvałka raić abirać takoha koleru štany, spadnicy i šorty, a taksama abutak i sumki. «Mus moka» nie pra spartovyja kamplekty, a pra raskošny minimalizm.
«Pryhoža jon hladzicca ŭ skuranych vyrabach. A skura — taksama trend hetaha hoda, asabliva viasny, — jak naturalnaja, tak i eka.
Nievierahodna dobra hety Mocha Mousse spałučajecca z nasyčanymi karyčnievymi, asabliva šakaładnym, biełym, pastelnymi i inšymi kolerami hetaj hamy, kab atrymlivalisia manachromnyja łuki. Taksama možna abirać sacinavyja, atłasnyja kaktejlnyja i viačernija sukienki», — raskazvaje Hanna.
Nie rekamiendujecca spałučać heta karyčnievaje adcieńnie z kantrasnymi kolerami. Naprykład, z čornym i jarkim sinim.
«Mohuć być trendavyja spałučeńni Mocha Mouse z sałatavym i koleram śmietankovaha masła. Mahčyma spałučać ź piasočnym, ale kali jon budzie zanadta ciopłym, to ŭžo nie budzie hladziecca», — tłumačyć stylistka.
Hanna rekamienduje być akuratnymi z modnym koleram hetaha hoda i jaho adcieńniami. Jon pasuje ludziam ź jarkimi rysami tvaru, koleram vałasoŭ, vačej.
«Abaviazkova treba mierać i prykładvać takija rečy da tvaru, hladzieć pry dobrym aśviatleńni. Kali vaša źniešnaść taksama miakkaja, spakojnaja (koler skury ciopłaha adcieńnia, a nie z ružovym), heta značyć, vialikaja vierahodnaść, što Mocha Mouse vas pahłynie», — tłumačyć jana.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj6
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary