Ekanamista Danejku zavočna asudzili da 12 hadoŭ pa spravie «Kaardynacyjnaj rady»
U Minskim haradskim sudzie 31 studzienia vynieśli zavočny prysud ekanamistu i administracyjnamu dyrektaru daśledčaha centra BEROC Paŭłu Danejku, piša «Viasna».
Sudździa Valancina Ziańkievič pryznačyła Paŭłu Danejku zavočna 12 hadoŭ kałonii i štraf u pamiery 13 000 bazavych vieličyniaŭ (546 000 rubloŭ).
Ekanamista pryznali vinavatym pavodle troch artykułaŭ Kryminalnaha kodeksa:
č. 4 art. 16 i č. 4 art. 233 (arhanizacyja i kiraŭnictva pradprymalnickaj dziejnaściu, jakaja ažyćciaŭlajecca bieź śpiecyjalnaha dazvołu (licenzii),
č. 1 art. 357 (zmova abo inšyja dziejańni, učynienyja z metaj zachopu dziaržaŭnaj ułady),
č. 3 art. 361-1 (stvareńnie ekstremisckaha farmavańnia abo ŭdzieł u im).
Pavodle viersii abvinavačańnia, Danejka ŭ žniŭni 2020 hoda ŭvajšoŭ u skład Kaardynacyjnaj rady i «jak jaho ŭdzielnik ździajśniaŭ aktyŭnyja dziejańni dla dasiahnieńnia met niekanstytucyjnaha zachopu dziaržaŭnaj ułady».
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć34
Kamientary