Adnapakajoŭku ŭ Minsku płoščaj 26 kvadrataŭ pradajuć ažno za 103 tysiačy dalaraŭ
Zdajecca, zafiksavany čarhovy rekord na nieruchomaść u žyllovym kompleksie «Minsk Śviet». Ułaśnica kvatery — dyzajnierka — spačatku rabiła jaje dla arendy, ale ŭ vyniku vyrašyła pradać pa košcie kala 4000 dalaraŭ za kvadrat.
Znachodzicca «załataja» adnapakajoŭka ŭ 25-paviarchovym domie na 22 druhim paviersie. Sam dom byŭ pabudavany ŭ 2023 hodzie ŭ «Minsk Śviecie».
Ahulnaja płošča kvatery — 26 «kvadrataŭ», žyłaja — 22. Raniej pisałasia, što ŭłaśnica — dyzajnierka Julija Płavinskaja, jakaja pieršapačatkova afarmlała svaju kvateru, kab potym zdavać jaje ŭ arendu.
Padkreślivałasia, što dyzajnierka daŭno maryła zrabić ciomny interjer, ale dosyć advažnaha zamoŭcy dla takoj idei nie znajšłosia. U vyniku ekśpierymientavać jana vyrašyła va ŭłasnaj kvatery.
— Kvatera zdavałasia sa svabodnaj płaniroŭkaj: byli abaznačany tolki miežy sanvuzła. Kab łahična arhanizavać prastoru, Julija Płavinskaja dadała pieraharodku pamiž kuchniaj i łožkam: ciapier prosta praz kuchniu-kalidor arandatar zmoža prajści ŭ haścinuju. Bo studyja zusim nievialikaja, dyzajnierka vyrašyła «rastvaryć» ścieny ŭ lusterkach i ciomnych tanach. Afarmleńnie, natchnionaje kaśmičnaj tematykaj, chaciełasia zrabić niezvyčajnym, — pisałasia ŭ instahram-akaŭncie desigh_mate.
Nieviadoma, kolki raniej dyzajnierka chacieła atrymlivać štomiesiac za arendu i čamu ŭ vyniku admoviłasia ad toj idei. Ale ciapier jana płanuje pradać maleniečkuju navat dla adnaho čałavieka studyju za 103 tysiačy dalaraŭ.
Arandatarka-rasijanka raptoŭna źjechała. Uładalnica kvatery chvalujecca, što ciapier treba skasoŭvać damovu praz sud
U Minsku pradajecca kvatera ź vielmi dziŭnymi dźviaryma na kuchniu
Samuju darahuju kvateru ŭ Minsku ŭ śniežni pradali za 450 tysiač dalaraŭ
Jak vyhladaje kvatera za miljon dalaraŭ u centry Minska
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary