Lidar ruchu «Volnaja Biełaruś» rezka vykazaŭsia adnosna aktualnaj stratehii demakratyčnych sił i paraiŭ, što treba rabić.
«Jeŭrasajuz, asabliva Niamieččyna, pravodziać paśladoŭnuju palityku pa źniščeńni Biełarusi. Šlacham ekanamičnych sankcyj, admaŭleńnia ŭsialakich kantaktaŭ z dyktataram. Navat uličvajučy nieabchodnaść humanistyčnych kantaktaŭ kab vyzvalić ad śmierci ludziej, jakija ŭ turmach»,
— zajaviŭ Zianon Paźniak u intervju jutub-kanału «Para!»
Pa słovach lidara ruchu «Volnaja Biełaruś», usie palitviaźni — zakładniki Łukašenki, uładu jakoha «ničym zaraz pachisnuć nielha». Tamu treba hetych ludziej ratavać humanistyčnym mietadam — «ustupać z terarystam u pieramovy».
«Pieršaje — heta vyzvalić, druhoje — spynić represii. Tamu što heta ŭzajemaźviazana. [Inačaj] kali vyzvalić, [to] jon budzie znoŭ papaŭniać», — stavić zadačy Paźniak.
Pa słovach palityka, dla hetaha jość usie mahčymaści, tym bolš sam Łukašenka daje znaki, što jon hetaha chacieŭ by.
«Treba pryniać hety znak terarysta. Inačaj hetyja ludzi buduć źniščanyja», — zaklikaje Paźniak.
Ekanamičnyja sankcyi suprać Biełarusi jon ličyć niepatrebnymi i škodnymi dla krainy, bo jany pryviali da zaležnaści ekanomiki krainy ad Rasii i pracy na vajnu.
«Hetyja sankcyi nakiravanyja tolki na źniščeńnie našaj dziaržavy. Ujavicie — ruchnie pucinski režym, a heta biezumoŭna, budzie novaja situacyja. Rasija, mahčyma, zastaniecca, (…) i tady niezaležnaja Biełaruś usia pryviazana da rasijskich resursaŭ, da Rasii», — prahnazuje palityk i nazyvaje vinavatych:
«Usie hetyja pany šolcy i inšyja, jany cudoŭna viedajuć, što robiać. Jany cudoŭna viedajuć, što takoje sankcyi suprać Biełarusi. Jany robiać hetuju palityku, a padtrymku hetaj palityki robiać voś hetyja ofisy.
Najbolš škodny — heta Łatuška. Tamu što Śviatłana Cichanoŭskaja… Nu jaje voziać, jana tam havoryć, uśmichajecca, ciśnie ručku, u jaje takaja cudovaja rola. A hetyja paśladoŭna, paśladoŭna: «Sankcyi, sankcyi, dušyć, dušyć». Kaho vy dušycie? Svaju dziaržavu, svoj narod».
«Kali vy dekłarujecie siabie siabrami biełaruskaj demakratyi i pravoŭ čałavieka, to pamažycie narodu vybracca z turmy. Ustupajcie ŭ kantakt z terarystam. (…)
Staŭcie svaje ŭmovy ab spynieńni represij i hetak dalej. Jon budzie patrabavać źniać sankcyi. Zdymicie sankcyi. I pieršaje, z kaho treba źniać sankcyi, — z «Biełavii». Heta karysna dla ŭsiaho naroda», — zaklikaje Paźniak.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie21
Kamientary