Pieršaje pasiadžeńnie biełaruska‑polskaj kamisii pa ŭrehulavańni kanfliktu vakoł SPB pieraniesiena aryjencirovačna na tydzień.
Pieršaje pasiadžeńnie biełaruska‑polskaj kamisii pa ŭrehulavańni kanfliktu vakoł Sajuza palakaŭ na Biełarusi (SPB) pieraniesiena aryjencirovačna na tydzień.
Jak paviedamiła BiełaPAN infarmavanaja krynica, pryčynaj pieranosu stali roznahałośsi bakoŭ pa hetym pytańni.
Rašeńnie ab stvareńni kamisii było pryniata pavodle vynikaŭ sustrečy prezidenta Biełarusi Alaksandra Łukašenki i ministra zamiežnych spraŭ Polščy Radosłava Sikorskaha 25 lutaha ŭ Kijevie.
Tady ž była nazvana data pieršaha pasiadžeńnia — 9 sakavika.
Hrupu biełaruskich ekśpiertaŭ uznačalić upaŭnavažany pa spravach relihij i nacyjanalnaściej Leanid Hulaka, polskich — namieśnik ministra zamiežnych spraŭ Andžej Kremier.
***
Raskoł u SPB adbyŭsia ŭ 2005 hodzie.
Z taho času ŭ krainie faktyčna isnujuć dva Sajuzy palakaŭ — aficyjny, zarehistravany Ministerstvam justycyi Biełarusi, i nieaficyjny, jaki padtrymlivajuć ułady Polščy.
U pačatku 2010 hoda kanflikt pamiž pradstaŭnikami SPB abvastryŭsia ŭ suviazi z
situacyjaj vakoł Doma polskaha ŭ Iviancy (Vałožynski rajon Minskaj vobłaści)
— na jaho pretendavali jak aficyjnaja arhanizacyja, hetak i niefarmalnaje jaje kryło. 17 lutaha sud Vałožynskaha rajona pryniaŭ rašeńnie na karyść zarehistravanaj struktury SPB.
15 i 17 lutaha biełaruskimi pravaachoŭnymi orhanami za praviadzieńnie niesankcyjanavanych akcyj pratestu byli zatrymany niekalki dziesiatkaŭ aktyvistaŭ nieaficyjnaha SPB, a kiraŭniki arhanizacyi — asudžany.
Hetyja dziejańni vyklikali nieadabreńnie aficyjnaj Varšavy i jeŭrastruktur.
Pradstaŭniki SPB spadziajucca, što ekśpiertam mižuradavaj biełaruska‑polskaj kamisii ŭdasca vyrašyć ich prablemy. U pryvatnaści, aktyvisty niezarehistravanaha sajuza raźličvajuć na lehalizacyju svajoj dziejnaści. Pradstaŭniki aficyjnaj arhanizacyi spadziajucca naładzić dyjałoh z Varšavaj.
«My čatyry hady dabivalisia taho, kab takaja kamisija była stvorana», — zajaviła 4 sakavika na pres‑kanfierencyi ŭ Hrodnie namieśnik staršyni zarehistravanaha SPB Alena Bohdan.
«My chočam, kab była dadziena abjektyŭnaja acenka dziejnaści našaha hramadskaha abjadnańnia, tamu śviadoma idziem na taki ŭsiebakovy aŭdyt našaj statutnaj i haspadarčaj dziejnaści. Niachaj mižnarodnaja kamisija pravieryć fakty ŭščamleńnia pravoŭ palakaŭ, jakija nibyta majuć miesca ŭ Biełarusi. My hatovy dać lubyja dakumienty dla pravierki, naš sajuz — adkrytaja struktura», — padkreśliła Bohdan.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary