U Minsku raźbirajuć ciahnik nad «Haryzontam» — adzin z samych znakavych art-abjektaŭ horada
U sacsietkach stryt-mastaka Andreja Busła, zasnavalnika minskaha art-hurta «Chutka Smačna», źjavilisia niaradasnyja fota: toj samy murał ź ciahnikom na Kujbyšava, dobra viadomy minčanam, demantujuć, zaŭvažyŭ CityDog.io.
Murał «Nadziemnaja vietka mietro» źjaviŭsia jak praca dla fiestyvalu Vulica Brasil u 2019 hodzie na halerei nad vulicaj Kujbyšava, jakaja złučaje karpusy zavoda «Haryzont».
Jaho aŭtar — stryt-mastak Andrej Busieł, zasnavalnik minskaha art-hurta «Chutka Smačna», jaki ŭtvaryŭsia ŭ 2016 hodzie i staŭ viadomy svaimi instalacyjami na vulicach Minska.
Mastaki rasstaŭlali na Pulichava parasony, upryhožvali čarotam mastok pamiž Łošycaj i Sierabrankaj, viešali lusterki na Internacyjanalnaj, «tapili» nadpis «Design» (abo «Resign») — i rabili jašče šmat cikavaha.
Praktyčna ŭsie pracy stryt-arcieraŭ byli demantavany supracoŭnikami minskich ŽES i inšych adkaznych instancyj.
U pačatku 2025-ha ŭ pracesie demantažu ŭbačyli i znakamity ciahnik.
— Mnie, viadoma, škada, što bolš my jaho nie ŭbačym, — ale, ź inšaha boku, jon i tak pražyŭ daŭžej, čym ja raźličvaŭ. Da taho ž možna skazać, što jak art-prajekt jon praciahvajecca ŭ inšych miescach: naprykład, u 2021 hodzie my rabili ciahnik u Lublinie, u 2024-m — u Tbilisi, a jašče ja znajšoŭ vielmi krutoje miesca ŭ Bierlinie — dumaju, jak tam možna było b heta realizavać. Nu i rana ci pozna ŭ Minsku taksama budzie praciah, — skazaŭ vydańniu CityDog.io Andrej Busieł.
Administracyja «Haryzonta» situacyju nie prakamientavała.
Kamientary
Čtob pobolšie ježikov,iz kotorych v raznyje storony torčat krasnyje i zielenyje triapki, kumačovyje transparanty popieriek ulicy navstrieču dvadcať sied́momu sjezdu kpss i portriet hiniaralnava sikratara ,pardon,obriuzhšieho valeta na frontonach hor i oblispołkomov.
Połzut parovozy—priviet iljiču
Letiat pioniery—salut Iljiču
Letiat tomahavki—p**da ryhoryču