Šviecyja vyprabuje novuju technałohiju «roju dronaŭ», raspracavanuju ŭzbrojenymi siłami krainy i kampanijaj Saab, zajaviŭ ministr abarony Pol Jonsan u paniadziełak, piša Hołas Amieryki.
Jonsan paviedamiŭ na pres-kanfierencyi, što armija praviadzie vyprabavańni technałohii, jakaja była raspracavana ŭ paskoranym paradku ciaham minułaha hoda, padčas vučeńniaŭ Arctic Strike, zapłanavanych na viasnu 2025 hoda.
«Nam daviadziecca pajści na niekatoryja ryzyki, kab stvaryć bolš mahutny abaronny patencyjał chutčej, čym my heta robim zvyčajna», — adznačyŭ jon.
Jonsan rastłumačyŭ, što technałohija dazvalaje stvarać rai dronaŭ roznych pamieraŭ, jakija mohuć aŭtanomna vykonvać pastaŭlenyja zadačy. «Z dapamohaj hetych rajoŭ dronaŭ možna pravodzić raźviedku, pazicyjanavańnie i identyfikacyju. Technałohija taksama moža dapamahčy manitoryć darohi, pieradavać vyjavy i viartać drony dla padzaradki».
Šviecyja dałučyłasia da zachodniaha abaronnaha aljansu NATA ŭ sakaviku 2024 hoda na fonie poŭnamaštabnaha ŭvarvańnia Rasii va Ukrainu i płanuje pavialičyć vydatki na abaronu da 2,6% VUP da 2028 hoda ŭ paraŭnańni z 2,2% u 2024 hodzie.
Šviedskija miedyja adznačajuć, što kamandujučy armijaj i ministr abarony Šviecyi asabista ŭdzielničali ŭ sakretnym prajekcie. Z novym prahramnym zabieśpiačeńniem možna kiravać rojem, jaki składajecca z sotniaŭ bieśpiłotnikaŭ.
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»8
Kamientary