Chvarobu Alchiejmiera źviazali ź virusam hierpiesu, jaki jość u bolšaści ludziej
Navukoŭcy ličać, što spryjać raźvićciu chvaroby Alchiejmiera moža baraćba arhanizma z hetym nievylečnym virusam.
Da takich vysnoŭ pryjšli daśledčyki ź Pitsburhskaha ŭniviersiteta, piša «Chajtiek».
U mozhu pacyjentaŭ byli znojdzieny białki virusa prostaha hierpiesu pieršaha typu (VPH-1) pobač z charakternymi dla zachvorvańnia skučanaściami tau-białku ŭ najbolš uraźlivych zonach mozhu.
Jak virus upłyvaje na mozh?
Ekśpierymienty na łabaratornych madelach mozhu čałavieka pakazali, što virus hierpiesu moža ŭpłyvać na ŭzrovień tau-białka. Spačatku heta źjaŭlajecca achoŭnym miechanizmam, jaki źmianšaje hibiel niejronaŭ paśla virusnaj infiekcyi. Adnak ź ciaham času takaja abarona moža pryvieści da paškodžańnia mozhu.
«Naša daśledavańnie źmianiaje ŭjaŭleńnie pra tau-białok jak vyklučna škodny faktar. My pakazali, što jon moža być častkaj imunnaj abarony mozhu», — adznačyŭ kiraŭnik daśledavańnia Or Šemieš.
Nieviadomyja miechanizmy
Tym nie mienš, dakładnyja miechanizmy, praź jakija virus VPH-1 spryjaje raźvićciu chvaroby Alchiejmiera, pakul nie vyvučany. Navukoŭcy płanujuć praciahnuć daśledavańni, kab raspracavać mietady lačeńnia, nakiravanyja na baraćbu ź virusnymi białkami abo rehulacyju imunnaha adkazu mozhu.
Šyrokaja raspaŭsiudžanaść VPH-1
Pavodle acenak Suśvietnaj arhanizacyi achovy zdaroŭja (SAAZ), 3,8 młrd čałaviek va ŭzroście da 50 hadoŭ (64%) zaražany virusam VPH-1. U bolšaści vypadkaŭ zaražeńnie adbyvajecca ŭ dziacinstvie, i virus zachoŭvajecca ŭ arhaniźmie na ŭsio žyćcio, znachodziačysia ŭ niervovych kletkach u stanie aktyŭnaści abo biaździejnaści. Pakul nie isnuje lačeńnia, jakoje zdolnaje całkam źniščyć virus.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary