Byłaja staršynia likvidavanaha Tavarystva biełaruskaj movy, eks-deputatka Pałaty pradstaŭnikoŭ bolš za hod nie mahła znajści pracu.
U 2023 hodzie Alenu Anisim zatrymali na pracoŭnym miescy, a paśla prysudzili 12 sutak aryštu za «drobnaje chulihanstva». Z-za rezanansnaha zatrymańnia jaje zvolnili ź Instytuta movaznaŭstva Akademii navuk. Anisim raskazała «Kułuaram», što ciapier pracuje nastaŭnicaj.
«Ja sprabavała ŭładkavacca ŭ roznych miescach, ale ničoha nie atrymlivałasia. Paśla taho, jak prajšoŭ hod paśla zatrymańnia, pajšła ŭ RANA. Dumaju, nu što mnie ŭžo hublać? I tam napramuju zapytałasia, ci jość u ich aktualnyja vakansii nastaŭnikaŭ biełaruskaj movy. Vyśvietliłasia, što jość.
Ja adkryta raspaviała pra svaju situacyju. Mnie dali śpis škoł z vakansijami i skazali, što rašeńnie budzie za dyrektaram.
Ja pajšła da dyrektara adnoj sa škoł. Jana kaža: tak, mnie patrebnyja ludzi. Heta była siaredzina žniŭnia. Mnie treba było ŭziać daviedku ź milicyi pra toje, što jany da mnie nie majuć pretenzij. Karaciej, 30 žniŭnia ja aformiłasia, a 2 vieraśnia ŭžo vyjšła na pracu».
Biez pracy byłaja deputatka siadzieła hod i try miesiacy. Sprabavała ŭładkavacca ŭ klininhavuju kampaniju administratarkaj, u ryełtarskaje ahienctva. Ale nie skłałasia.
Anisim kaža, što jaje «administratyŭka» za hod była pahašanaja.
«Zaraz dla pracaŭładkavańnia, asabliva kali idzieš u dziaržaŭnyja struktury, treba brać daviedku, dzie pieraličany źviestki ab usich pravaparušeńniach. Kali arhanizacyja napramuju zapytvaje hetyja danyja, to jany rychtujucca, zdajecca, napraciahu miesiaca. A kali sam źviartaješsia, to takuju daviedku vydajuć napraciahu 10 dzion. Kaštuje hetaja papiera pałovu bazavaj».
Ciapier čytajuć
U zahinułaj u Ślapiancy dziaŭčynie apaznali Janu Kastrankovu2
Kamientary