U Indyi mužčyna vyrašyŭ achviaravać hrošy na chram i vypadkova vykinuŭ u skryniu svoj ajfon
Ajfon Pro viersii, jak śviedčać miascovyja zakony, ciapier naležyć «bohu vajny», a jon nie viartaje achviaravańni.
Na poŭdni Indyi mužčyna razam ź siamjoj vyrašyŭ achviaravać u chramavuju skryniu niekalki kupiur, adnak razam ź imi tudy vypadkova palacieŭ i jaho novieńki ajfon Pro-viersii. Pra heta paviedamlaje vydańnie India Today.
Vypadak adbyŭsia ŭ induisckim chramie Arułmihu Kandasvami ŭ horadzie Tyruporur, dzie pakłaniajucca Muruhanu — bohu vajny i pieramoh, jaki źjaŭlajecca adnym z najbolš šanavanych bostvaŭ u induisckaj viery.
Luby, chto achviaruje ŭ hetym chramie svaju majomaść, nazaŭždy rasstajecca ź joj, śviedčać miascovyja zakony.
«Zhodna sa zvyčajami i tradycyjami, luboje achviaravańnie, uniesienaje ŭ chundyjał [chramavaja skrynia], pastupaje na rachunak bostva hetaha chrama. Praviły nie dazvalajuć administracyi viartać achviaravańni viernikam ni na jakoj padstavie», — adznačajuć śviatary chrama.
Kab choć niejak źmiahčyć smutak uładalnika ajfona, administracyja chrama zrabiła nievialikaje vyklučeńnie — dazvoliła jamu zabrać SIM-kartu z telefona i skapiravać usie važnyja danyja pad nahladam śviataroŭ i achovy.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj15
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary