Što za studentka Ullana, ź jakoj na bali valsiravaŭ Łukašenka?
Jaho byłuju spadarožnicu adpravili ŭ paru da namieśnika premjer-ministra.
U Pałacy niezaležnaści tradycyjna praviali Navahodni bal. Spadarožnicaj Alaksandra Łukašenki, padobna, stała Ullana Aharodnikava, piacikurśnica Viciebskaha dziaržaŭnaha miedycynskaha ŭniviersiteta. Dziaŭčyna vučycca na stamatołaha.
U 2023-m Ullana była pieramožcaj univiersiteckaha konkursu pryhažości «Mis VDMU». Joj ža dastałasia zvańnie «Mis šarm».
Sioleta dziaŭčyna atrymała taksama ŭniviersiteckuju premiju za vysokija dasiahnieńni ŭ vučebnaj, navukovaj dziejnaści i aktyŭny ŭdzieł u hramadskim žyćci ŭniviersiteta.
Z kim tancavali inšyja čynoŭniki? Sakratar Rady biaśpieki Alaksandr Valfovič, naprykład, kružyŭ z pres-sakratarkaj Łukašenki Natallaj Ejsmant, namieśnik kiraŭnika Administracyi Uładzimir Piarcoŭ — sa Śviatłanaj Kanašenka (asabistaj doktarkaj Łukašenki, jakaja nosić jaho špica). A mytnica Uładlena Zajcava, ź jakoj nie raz Łukašenka źjaŭlaŭsia na bali i inšych mierapryjemstvach, stała ŭ paru da namieśnika premjer-ministra Ihara Pietryšenki.
Sienataru Dźmitryju Baskavu ŭ spadarožnicy dali anestezijołaha-reanimatołaha Alenu Kazak — jana raniej była ŭ kavunovym bataljonie Łukašenki. Doktarku taksama zaŭvažyli ŭ kampanii Baskava, jakaja zrazała bčb-stužki ŭ 2020-m.
Kamientary