Błohier prapanavaŭ padletku pazvanić maci i skazać, što toj pierachodzić na biełaruskuju movu. Jakaja była reakcyja maci?
Błohier i muzyka Illa Šynkarenka ciapier, badaj, hałoŭny papularyzatar biełaruskaj movy siarod moładzi. Jaho čarhovaje videa — pra reakcyju padletkaŭ i baćkoŭ na prapanovu pierajści na biełaruskuju movu.
Illa Šynkarenka prapanavaŭ chłopcu na vulicy 20 rubloŭ, kab toj abviaściŭ pa telefonie maci, što pierachodzić na biełaruskuju movu.
Šynkarenka daŭ chłopcu list ź biełaruskamoŭnymi replikami, jakija mahli spatrebicca pry takoj hutarcy.
— Ało, mama, vitaju, što robiš? — heta replika na biełaruskaj movie prajšła niezaŭvažanaj, byccam zvyčajna syn tak i havoryć.
Maci spytała jaho ŭ adkaz pa-rusku, ci chapiła jamu hrošaj na niešta.
— Viedaješ, ja vyrašyŭ, što ciapier budu razmaŭlać tolki pa-biełarusku, — pračytaŭ syn repliku sa šparhałki ad Šynkarenki.
— Pa-biełarusku… — zadumałasia maci i praciahnuła sama ŭžo taksama pa-biełarusku. — Ja zaraz adpracavała i prybiraju kuchniu, budu hatavać ježu.
— Ja vielmi lublu Janku Kupału i Jakuba Kołasa, — začytaŭ ź lista padletak. — A ty nie chočaš taksama pierajści na biełaruskuju movu?
— Z zachapleńniem, — spakojna padtrymała syna maci.
Raźvitalisia jany pa-biełarusku:
— Da sustrečy.
— Da sustrečy, synok.
Padletak atrymaŭ ad błohiera 20 rubloŭ. A na pytańnie Šynkarenki: «Dyk što, pierachodzicie na biełaruskuju?» — adkazaŭ: «Da».
Videa atrymała bolš za 25 tysiač padabajek, prahladzieli jaho amal 300 tysiač razoŭ, jano sabrała bolš za 600 kamientaŭ — u asnoŭnym ludzi padbadziorvajuć i z zachapleńniem staviacca da biełaruskaj movy, maci chłopca i aŭtara videa.
Kaśpiaroviča pierad hibiellu dapytvali ŭ polskaj kontrraźviedcy — raspytvali pra vizy dla ahientaŭ AAC z pašpartami prykryćcia i pra Bulbu27
Kamientary
našyja baćki, jakija navučalisia ŭ biełaruskich vnu ŭ 60-80 hadach nasemrač pieršayje poŭnaściu rusifikavanaja pakaleńnie, ale amal usie jany doma z baćkami da vnu razmaŭlali biełaruskaj