15-hadovaja vučanica ŭčyniła stralbu ŭ škole ŭ Amierycy. Dvoje zabitych i piaciora paranienych
Jana taksama sama siabie zastreliła.
Natali «Samanta» Rupnau, 15-hadovaja vučanica chryścijanskaj škoły K-12 «Bahataje žyćcio», pryniesła ŭ kampus pistalet i adkryła stralbu ŭ paniadziełak kala 11-j hadziny ranicy ŭ kłasie padčas zaniatkaŭ, piša New York Post.
Byli zastrelenyja vučań i nastaŭnica, piać čałaviek paranienyja. Dvoje vučniaŭ znachodziacca ŭ krytyčnym stanie z traŭmami, jakija ŭjaŭlajuć pahrozu dla žyćcia, paviedamiŭ načalnik palicyi Medysan Šon Barns u paniadziełak uviečary.
Pa słovach Barnsa, Rupnau naniesła sabie ahniastrelnaje ranieńnie i pamierła pa darozie ŭ balnicu.
U internecie raspaŭsiudžvajecca mierkavany manifiest, jaki źmiaščaje hnieŭnyja, poŭnyja nianaviści pohlady. Jon, jak śćviardžajuć niekatoryja karystalniki sacyjalnych sietak, naležyć Natalli, ale Barns skazaŭ, što palicyja pakul nie zmahła heta paćvierdzić.
Rupnau adkryła stralbu ŭ kłasie, kali ŭ navučalnaj zale znachodzilisia vučni z roznych kłasaŭ.
Pa słovach Barnsa, kali pačałasia stralanina, druhakłaśnik z susiedniaha kłasa patelefanavaŭ u słužbu vyratavańnia 911 i palicyja prybyła na miesca zdareńnia prykładna praz try chviliny.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary