«Byccam naš horad, i nie naš». Rasijskaja nacyjanalistka pabyvała ŭ Hrodnie i nie chavaje abureńnia
Rasijanka Evielina Azajeva, viadomaja jak prapahandystka, piśmieńnica i rasijskaja nacyjanalistka, pabyvała na ekskursii ŭ Biełarusi. Svaje ŭražańni jana apisała ŭ sacsietcy, i jaje post nabraŭ užo sotni reakcyj dy mnostva kamientaroŭ, piša Katolik.life, zrabiŭšy vytrymki ź jaje apoviedu.
«Viarnułasia z Hrodna. Jak u Polščy pabyvała… Chadziła sa ściatymi vusnami. Byccam naš horad, i nie naš», — piša rasijskaja prapahandystka.
«Horad pryhožy […] ale niavierny. Kaściołaŭ proćma… Ja ŭ hałoŭny zajšła, u centry, pasłuchała kazańnie. Paniadziełak, a sabor zapoŭnieny. Heta značyć, nasielnictva relihijnaje (jak i ŭ Polščy). Pa statystycy, 70% hrodziencaŭ nazyvajuć siabie viernikami.
Propaviedź była ŭ pryncypie dobraja. Što nielha brać što drenna lažyć, treba pryznavać vinu, mieć sumleńnie i serca. Ale havaryŭ śviatar ja nie zrazumieła na jakoj movie. Miescami ja naohuł nie razumieła, i ŭ havorcy było šmat «š» i «ž». Dumaju, heta polskaja. Ale potym jon pierachodziŭ na ruskuju».
@nashaniva «Nie naš horad». Rasijskaja prapahandystka ŭ šoku ad Hrodna #rośsija #russkaja #hrodno #hrodnobiełaruś #hrodnienskajaobłasť #horadnia #vkł #rp #stiefanbatorij #batory #kostieł #chram #turizm #otdych #politika novosti #biełaruś ♬ Vivaldi - 2 Violins op 8 Allegro 1 - AllMusicGallery
Taksama rasijanku aburyła karcina sa Stefanam Batoryjem — karalom polskim i vialikim kniaziem litoŭskim, jaki pamior u Hrodnie. Azajevaj nie spadabałasia, što da jaho «na kaleniach paŭzuć ruskija pasły, miru prasić, tłumačeńnie — na anhlijskaj movie, kab zamiežnyja turysty bačyli».
Turystka adznačyła, što Minsk joj padabajecca bolš, bo heta «saviecki horad», i źviarnuła ŭvahu na toje, što ŭ biełaruskim hramadstvie jość padzieł. Jana była niezadavolenaja tym, što «niamała» biełarusaŭ havorać na biełaruskaj movie, nazvaŭšy ich «abduranymi»:
«Z takimi taksama sustrakałasia. Pa-biełarusku tolki češuć (aby nie pa-rusku). Sardečnyja, vietlivyja, ale adkazvajuć tolki na movie. Tak, taksama «jazyk» movaj nazyvajuć».
U dalejšaj dyskusii Azajeva zajaviła kamientataru ź Biełarusi, što «vy i sami ruskija», i što, maŭlaŭ, «vialikaruski narod uklučaje ŭ siabie biełarusaŭ i ŭkraincaŭ».
«Toje, što ja ruskaja, było vidać adrazu». Turystka z Maskvy paskardziłasia, što jaje vyhnali z kaścioła ŭ Biełarusi
«Biełarusy — tyja ž ruskija, prosta nie ŭsie jašče zrazumieli». Jak biełarusy pad bieł-čyrvona-biełym i rasijskim ściahami ŭdzielničajuć u tyktok-batłach
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi
«Pakolki Rasijskaja impieryja jość pustka, zalitaja haŭnom, to my možam tolki z hetaj pustki vyryvacca»
Ciapier čytajuć
Rasijanka raskazvała pra hłybinnuju moc Łukašenki — ciapier jana ŭ ślazach źjazdžaje ź Biełarusi18
Kamientary