Łukašenka skazaŭ, što niekalki razoŭ naviedvaŭ reanimacyi padčas pieršych chvalaŭ kavidu
Alaksandr Łukašenka 10 śniežnia, adkazvajučy na pytańni supracoŭnikaŭ barysaŭskaha pradpryjemstva «PAŽSNAB», prakamientavaŭ spravazdaču Kanhresa ZŠA ab pryčynach uźniknieńnia i sposabach baraćby z pandemijaj karanavirusa, piša BiełTA.
Łukašenka skazaŭ, što kali ŭ Biełarusi byŭ vyjaŭleny pieršy vypadak karanavirusa [u studenta ź Irana ŭ kancy lutaha 2020 hoda], to było pryniata rašeńnie zakryć na karancin uvieś univiersitet. Adnak Łukašenka kaža, što adrazu nie padtrymaŭ taki padychod.
«Ja vyklikaju ministra (jak ciapier pamiataju): «Tabie chto daŭ prava zakryvać pradpryjemstva, arhanizacyju?» Staić, vyciahnuŭšysia pierada mnoj. Kažu: «Admianiŭ rašeńnie, tvaja zadača — lačyć i ratavać ludziej. Adčyniać, začyniać budu ja. Svabodny». Voś była karotkaja ź im razmova. I mnie treba było ŭsich ža vystraić. (…) Moža być, vy i zachavalisia (vy ž manapalisty), ale vy b adstali, a moža być, i nie zachavalisia. A našy pradpryjemstvy — dakładna nivodnaje b nie pracavała», — vykazaŭ mierkavańnie jon.
«Ja heta viedaŭ, što heta kamuści treba. I ja ŭsim zaŭsiody kazaŭ, što heta «šyzafrenija» (panika pry COVID-19). Ja ŭžo žartavać pačaŭ: dla taho, kab vylečycca (da sialan jechaŭ — jany ž usie pracavali), treba traktar i sto hram, — raskazaŭ Łukašenka. — Vystajać. Siońnia ŭžo amierykancy, jakija trolili mianie ŭvieś čas, pryznali. Jany paŭtaryli praź niekatory čas usio toje, što ja kazaŭ».
Usia hetaja situacyja, padkreśliŭ Alaksandr Łukašenka, źjaŭlajecca ŭrokam dla ludziej. «My pavinny bierahčy svajo zdaroŭje. I voś pandemija heta pakazała, — adznačyŭ jon. — Mnie tut asabliva taksama vychvalacca niama čym, bo ludzi hinuli.
Ja ŭ reanimacyjach pastajanna byŭ: cukrovy dyjabiet byŭ na pieršym miescy, pa-mojmu, sardečna-sasudzistyja zachvorvańni. Heta adkul? Ad našaj lanoty. Tamu ja vas padšturchoŭvaju: na vulicu, na vulicu, nie možacie biehać — chadzicie, nie možacie chadzić — biehajcie. Treba zajmacca saboj, kab nie chadzić u apteku, kab potym nie parycca».
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram8
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
I poprobujtie dokažitie čto eto s vami i vašimi rodstvieńnikami proizošło iz-za kovida.
***
Usie ŭsio dobra pamiatajuć. Tamu niachaj niasie svaju łuchtu karovam ŭ karoŭniku.