Ukraincy ŭdaryli rakietami ATACMS pa C-400 u Kurskaj vobłaści — zahinuli piać rasijskich aficeraŭ
Zahinuli ŭ tym liku kamandzir dyvizijona i načalnik štaba.
Ukrainskija vojski 23 listapada nanieśli ŭdar pa zienitna-rakietnym kompleksie «C-400» u Vialikim Žyravie Kurskaj vobłaści.
Udar byŭ naniesieny tryma balistyčnymi rakietami ATACMS, piša insajdarski kanał «Daśje špijona».
Kompleks byŭ u niebajavym stanie, znachodziŭsia na ramoncie.
U vyniku ŭdaru była źniščana radyjołakacyjnaja stancyja i dźvie puskavyja ŭstanoŭki.
Zahinuli piać aficeraŭ, u tym liku kamandzir dyvizijona i načalnik jaho štaba. Taksama śmiarotnyja ranieńni atrymali troje supracoŭnikaŭ AT «Ałmaz-Antej», jakija zajmalisia ramontam ZRK.
Siarod zahinułych aficeraŭ — major, kapitan, staršy lejtenant i dva lejtenanty.
ATACMS — amierykanskija taktyčnyja balistyčnyja rakiety z dalokaściu da 300 kiłamietraŭ. Nie tak daŭno Bieły dom dazvoliŭ Ukrainie bić takoj zbrojaj pa abjektach na terytoryi Rasii.
Kamientary