«Pryjduć chałodnyja masy z palarnych šyrot». Jakim budzie nadvorje na nastupnym tydni
Sinoptyk Dźmitry Rabaŭ papiaredziŭ pra paharšeńnie nadvorja z 11 pa 17 listapada.
Pavodle sinoptyka, z 11 pa 17 listapada ŭ krainie budzie pieramienlivaje nadvorje: vosieńskaje ciapło pastupova pojdzie, a na źmienu jamu pačnuć dźmuć vietry z poŭnačy. Zamiest ciopłaha pavietra z Atłantyki pryjduć chałodnyja masy z palarnych šyrot.
U pačatku tydnia za nadvorje budzie adkazvać antycykłon, sfarmiravany ŭ vilhotnaj pavietranaj masie z centram nad centralnymi rehijonami Rasii. Budzie vobłačnaje nadvorje, ale biez apadkaŭ. Miescami vierahodny tuman. U paniadziełak, 11 listapada, nočču čakajecca ad -1 da +5 hradusaŭ. Dniom budzie ad +6 da +9 hradusaŭ. U aŭtorak, 12 listapada, u dzionny čas tempieratura pavietra składzie da 8 hradusaŭ ciapła.
U siaredzinie tydnia apadkaŭ nie čakajecca. U načny i ranišni čas mahčymy słaby tuman, hałalod. U sieradu, 13 listapada, nočču čakajecca ad -2 da +2 hradusaŭ, a dniom — ad 3 da 6 sa znakam plus.
U druhoj pałovie tydnia nadvorje ŭ Biełarusi kančatkova sapsujecca: buduć apadki ŭ roznych formach, uzmacnieńnie vietru, pachaładaje.
Viecier prahnazujecca zachodni i paŭnočna-zachodni, časam paryvisty. U čaćvier, 14 listapada, u načny čas budzie ad +1 hradusaŭ pa paŭdniovym uschodzie i da +8 hradusaŭ pa zachadzie. U piatnicu, 15 listapada, prahnazujecca pachaładańnie da +3 hradusaŭ.
U kancy tydnia ŭ krainie čakajecca pachaładańnie. U niekatorych rajonach vierahodnyja karotkačasovyja apadki ŭ vyhladzie śnieha, a taksama mokraha śnieha. U subotu, 16 listapada, nočču prahnazujecca ad -6 da -3 hradusaŭ. Dniom tempieratura pavietra składzie ad -3 da 0 hradusaŭ.
U niadzielu, 17 listapada, budzie kala 0 hradusaŭ.
Kamientary