Razhlad spravy SPB adbudziecca paśla viartańnia misii parłamientaroŭ ź Biełarusi.
Jeŭrapiejski parłamient prymie rezalucyju ab Biełarusi paśla bolš hruntoŭnaha aznajamleńnia ź situacyjaj. Ab hetym siońnia paviedamiŭ staršynia Jeŭrapiejskaha parłamienta Ježy Buzak.«Chočam spraŭdzić, jak vyhladaje situacyja na Biełarusi, i paśla hetaha pryniać kančatkovuju rezalucyju jeŭrapiejskaha parłamienta» – zajaviŭ Je.Buzak paśla sustrečy z Anžalikaj Borys i Alaksandram Milinkievičam, što prylacieli ź vizitam u Brusel.
Płanujecca, što razhlad spravy SPB adbudziecca na pačatku sakavika, paśla viartańnia čatyrochasabovaj šmatpartyjnaj misii parłamientaroŭ ź Biełarusi, jakaja nakirujecca tudy admysłova dla aznajamleńnia ź situacyjaj.
Pavodle inšaj viersii, parłamient ES ciapier nie hatovy razhladać spravu SPB praź niezacikaŭlenaść prablemaj jeŭrapiejskich levych.
Borys i Milinkievič pakul nijak nie kamientujuć takoje rašeńnie Jeŭraparłamienta. U Bruseli jany adzinadušna vystupili suprać uviadzieńnia sankcyj suprać Biełarusi i za adkrytaść ES da biełaruskaha hramadstva. «Jość zakliki da ŭviadzieńnia sankcyj. Ale ja jak hramadzianka Biełarusi ad 2005 hodu nikoli nie zaklikała da ich uviadzieńnia. Ja pierakananaja, što treba zabiaśpiečyć adkrytaść Jeŭropy hramadzianam Biełarusi, biełaruskamu hramadstvu ŭ cełym. Kab prostyja hramadzianie mahli lohka atrymać šenhienskuju vizu i pryjechać u Jeŭropu», – zaznačyła Anžalika Borys.
Padobnuju pazicyju zaniaŭ i A.Milinkievič. «ES pavinien prademanstravać, što maje instrumienty ŭpłyvu na dyktatury i aŭtarytarnyja režymy, bo tolki siłaj možna zmusić ułady da krokaŭ u bok demakratyzacyi, — zajaviŭ Milinkievič. — Jakija heta instrumienty? — Usio vielmi prosta. Biełaruś atrymlivaje padarunki ŭ vyhladzie kredytaŭ, nie stolki ad ES, kolki ad Mižnarodnaha valutnaha fondu. Ale supraca ź mižnarodnymi instytutami pavinna adbyvacca na padstavie pravoŭ čałavieka. Heta pryncypovaja reč, — zajaviŭ Milinkievič, łaŭreat premii imia Sacharava, što prysudžajecca Jeŭraparłamientam.
Zapłanavanyja sustrečy Milinkieviča j Borys z usimi najbujniejšymi frakcyjami parłamienta. Borys taksama spatkajecca ź jeŭrakamisaram pa pytańniach palityki susiedstva Štefanam Fiule.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary