Ułady Kyrhyzstana chočuć pamianiać himn, bo ad ciapierašniaha «raźlatajucca ptuški»
Śpikier parłamienta Kyrhyzstana anansavaŭ źmienu himna, «kab jaho lohka śpiavali ŭsie hramadzianie». Jon pryvioŭ niečakanyja arhumienty.
Himn Kyrhyzstana pierapišuć, zajaviŭ śpikier parłamienta Nurłanbiek Šakijeŭ.
«Ja niejak čuŭ, što, kali adzin z eks-prezidentaŭ pajechaŭ za miažu i kali prahučaŭ naš himn, ptuški, jakija siadzieli na drevach, raźlacielisia. Paśla, kali prahučaŭ himn toj [prymajučaj] krainy, ptuški znoŭ prylacieli. My pierapišam naš himn, kab jaho lohka śpiavali ŭsie hramadzianie, ad 5 hadoŭ da 95 hadoŭ», — skazaŭ Šakijeŭ.
Dziaržaŭny himn Kyrhyzstana zaćvierdžany 18 śniežnia 1992 hoda, adrazu paśla vychadu sa składu SSSR.
«Kali my prymali himn, heta byŭ čas vychadu z Savieckaha Sajuza, heta byli pieršyja kroki na šlachu da svabody. Jaho i vykonvać ciažka, nie kožny kirhiz zmoža heta zrabić. Heta — marš. My chutka źmienim himn», — zajaviŭ śpikier.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
Spačatku biez vyraka śledstva demanstratyŭna zabili "zakona złodzieja" aŭtarytet niejkaha ułusa. Žurnalistaŭ pakul pa sudu za kraty źmiaščajuć
I ŭ rešcie rešt da himna dabraliś ...