«Pry čym tut US?!» Na samicie BRIKS dziaržsakratara «sajuznaj dziaržavy» ledź nie zrabili amierykancam
Kurjozam z kułuaraŭ samitu ŭ Kazani padzialiŭsia bijohraf Pucina Andrej Kaleśnikaŭ.
Na samicie BRIKS prysutničaŭ dziaržsakratar Sajuznaj dziaržavy Dźmitryj Mieziencaŭ. Dla jaho padrychtavali śpiecyjalnuju tabličku z abrevijaturaj, jakuju ŭspryniali jak «varožuju».
Padrabiaznaści raskazaŭ dla «Kommiersanta» Andrej Kaleśnikaŭ.
«Pieršym u zale hetym razam źjaviŭsia namieśnik ministra zamiežnych spraŭ Rasii Siarhiej Rabkoŭ (a nie jaho šef, Siarhiej Łaŭroŭ, jak napiaredadni). Jon nie śpiašajučysia abychodziŭ kruhły stoł, vyvučaŭ tablički na im — i niezdarma.
«Jak heta?! — raptam raschvalavaŭsia jon. — Što heta?!»
Pierad stałom, za jakim pavinien byŭ siadzieć dziaržsakratar Sajuznaj dziaržavy Rasii i Biełarusi Dźmitryj Mieziencaŭ, stajała šylda «US». Arhanizatary paličyli, što mienavita tak paznačajecca Sajuznaja dziaržava.
«US! Heta ž ustojlivaja abrevijatura! Pry čym tut US?! Prybiarycie!» — zaklikaŭ Siarhiej Rabkoŭ.
Što ž, pradstaŭnikoŭ Złučanych Štataŭ tut i praŭda nie było. Spadara Mieziencava možna było ŭ najhoršym vypadku pryniać za ahienta ŭpłyvu. Siarhiej Rabkoŭ dla peŭnaści tym časam zapchnuŭ zdradnickuju tabličku ŭ svoj partfiel», — raskazaŭ Kaleśnikaŭ.
Nieŭzabavie ŭ zale źjaviŭsia sam Mieziencaŭ, jamu paabiacali apieratyŭna zrabić novuju tabličku. Jon pahadziŭsia, što abrevijatura «US» nie adlustroŭvaje sutnaści arhanizacyi.
«Novaj šyldy pakul nie było, i vybar, zdavałasia, nievialiki. Słoŭnik, jaki padviarnuŭsia pad ruku, uvohule prapanoŭvaŭ adziny varyjant: «United Realm», heta značyć Sajuznaje carstva», i varyjant hety byŭ, padobna, u hetaj situacyi samym prydatnym.
Praŭda, urešcie była abranaja kampramisnaja viersija. Na novaj tabličcy źjaviłasia abrevijatura «URB» (sajuz Rasii i Biełarusi, vidavočna). Za joj i prytaiŭsia ŭrešcie Dźmitryj Mieziencaŭ», — napisaŭ Kaleśnikaŭ.
Paśla artykuła «Našaj Nivy» stvaralniki banknoty BRIKS razmyli jaje vyjavu. Ale pamyłki ŭsio roŭna bačnyja
Łukašenka niezadavoleny, što jaho adpravili ŭ «pryłaźnik»
Pucinu ekskluziŭna pakazali pratatyp valuty BRIKS, «jakaja abrynie dalar». My adšukali aryhinał banknoty, jość dziŭnaści sa ściaham Biełarusi
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary