Mitrapalit Vienijamin nazvaŭ adnu ź pieršych spraŭ Hramadskaj rady pa maralnaści — admianili śpiektakl, jaki pakazvali 10 hadoŭ
Admiena teatralnaj pastanoŭki «Kachanki majho muža» stała «adnoj ź pieršych spraŭ» Rady pa maralnaści, zasnavanaj Biełaruskaj pravasłaŭnaj carkvoj i Sajuzam piśmieńnikaŭ Biełarusi. Taki padarunak Rady žančynam da Dnia maci.
Jak raskazaŭ mitrapalit Minski i Zasłaŭski Vienijamin, 14 kastryčnika «ŭ dzień Pakrova Najśviaciejšaj Baharodzicy i Dzień maci žonkam i maci prapanoŭvali zrabić padarunak, zaprasiŭšy ich na pastanoŭku z nazvaj «Kachanki majho muža».
Śpiektakl u vyniku byŭ admienieny.
«Dobra, što jość dobraje ŭzajemadziejańnie (i jano, ja dumaju, budzie tolki ŭdaskanalvacca) pamiž ministerstvami i viedamstvami, jakija tak ci inakš mohuć upłyvać na raźvićcio pracesaŭ u hramadstvie», — skazaŭ mitrapalit.
Na jaho dumku, «nieabchodna pakazvać na spakusy, jakija zdolnyja paškodzić nieakrepłyja dušy padrastajučaha pakaleńnia, a, kali treba, i aharodžvać ad ich».
Rada pa maralnaści była stvorana ŭ 2009 hodzie i adnaviła svaju dziejnaść u listapadzie 2023 hoda. U skład abnoŭlenaj rady ŭvajšli pradstaŭniki dziaržaŭnych orhanaŭ, tvorčaj intelihiencyi, kultury, navuki, adukacyi, relihijnyja i hramadskija dziejačy, lidary hramadskaj dumki, piša BiełTA.
Śpiektakl «Kachanki majho muža» išoŭ nie tolki ŭ Minsku, ale i abłasnych haradach. Jaho pakazvali bolš za 10 hadoŭ. U afišach paznačana, što heta siamiejnaja kamiedyja ŭ dźviuch dziejach.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary
Ruzhie mir idiot triepieŝitie nieviernyje....