U vieraśni 2024 hoda na rasijskim rynku pradadziena 8 novych aŭtobusaŭ Mienskaha aŭtamabilnaha zavoda — na 61,9% mienš, čym u tym ža miesiacy 2023-ha (21), śviedčać źviestki rasijskaha ahienctva «ASM-chołdynh».
Za try kvartały realizavana 335 adzinak hetaj techniki (hod tamu było 730 adzinak, źmianšeńnie na 54,1%).
Pradukcyja MAZ u minułym miesiacy zaniała 16-je miesca ŭ śpisie samych pradavanych brendaŭ hetaha siehmienta aŭtarynka Rasii, kanstatavali ekśpierty. Dola na rynku skłała 0,8%.
Lidarami prodažaŭ u vieraśni stali rasijski PAZ (333; +43,5% u hadavym vymiareńni), kitajski Yutong (152; +3,4%) i rasijski «Niefaz» (93; -36,3%).
Za 2023 hod biełaruskim pradpryjemstvam u Rasii było realizavana 925 adzinak aŭtobusaŭ — na 11,1% mienš, čym u 2022-m (1040). Pa vynikach 2023-ha, jak i hodam raniej, MAZ zaniaŭ 6-je miesca ŭ adpaviednym siehmiencie aŭtarynka Rasii.
Apošnim časam u pradukcyi MAZ adznačajucca vialikija prablemy ź jakaściu — i z rasijskich rehijonaŭ, i ź Biełarusi niaredka prychodziać paviedamleńni pra ŭzharańni aŭtobusaŭ padčas ekspłuatacyi.
Vialikaja hutarka z Franakam Viačorkam — pra kruhły stoł z Łukašenkam, pamyłki, chejtaraŭ i hałoŭnaje dasiahnieńnie26
Kamientary