Piensijanier z Maładziečna zrabiŭ łodku ź pienapleksu — i patanuŭ
Samarobnaje sudna nie vytrymała vychadu ŭ raku.
Piensijanier z Maładziečna ranicaj 6 kastryčnika adpraviŭsia na rybałku na Zachodniaj Biarezinie na samarobnaj łodcy ź pienapleksu. Usio skončyłasia trahiedyjaj.
Prykładna a 11:30 rybak, jaki znachodziŭsia na bierazie, pačuŭ kryki ab dapamozie. Pajšoŭšy na hołas, mužčyna vyjaviŭ tolki samarobnuju pienapleksavuju łodku z paškodžanym bortam na adlehłaści 100 mietraŭ ad bieraha.
Znajści samoha patanułaha nie ŭdałosia, i rybak vyklikaŭ ratavalnikaŭ. Praź niekalki hadzin supracoŭniki MNS znajšli cieła zahinułaha 66-hadovaha mužčyny.
Ekśpierty, jakija prybyli na miesca, uziali proby vady, a taksama znajšli samarobnuju łodku, mabilny telefon, rybałoŭnyja prynaležnaści i dakumienty zahinułaha, apytali vidavočcaŭ. Pa spravie budzie praviedziena sudova-miedycynskaja ekśpiertyza, a Śledčy kamitet Maładziečanskaha rajona vyśvietlić usie abstaviny niaščasnaha vypadku.
Pienapleks — materyjał prykładna taho ž rodu, što i pienapłast, jaho vykarystoŭvajuć dla ŭciapleńnia ścien. U pienapleksu vyšejšaja ščylnaść i tryvałaść. Adnak hetaha ŭsio roŭna niedastatkova dla vyrabu łodki. Akramia taho, u piensijaniera nie było z saboj vyratavalnaj kamizelki abo kruha, što taksama paspryjała trahiedyi.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam20
Kamientary