Siońnia ranicaj źjaviłasia infarmacyja, što kala 5-j hadziny ranicy žychary Kalinkavičaŭ čuli hučny vybuch. Paśla hetuju infarmacyju ŭdałosia paćvierdzić ź niekalkich krynic, i vyśvietliłasia, što vybuch nad Kalinkavičami byŭ čutny kala 04:55 ranicy, paviedamiła manitorynhavaja hrupa «Biełaruski Hajun».
«Biełaruski Hajun» źviartaje ŭvahu, što roŭna za 12 chvilin da hetaha (u 04:43) ukrainski vajskova-analityčny prajekt «jeRadar» paviedamiŭ pra zachod «šachieda» ŭ pavietranuju prastoru Biełarusi i jahony ruch u napramku Mazyra, prachodziačy na ŭschod ad Naroŭli.
Adlehłaść ad Naroŭli da Kalinkavičaŭ składaje 40 km, jakija «šachied» moža pieraadoleć usiaho za 11 chvilin (siaredniaja chutkaść — 200 km/h). Trajektoryja i chutkaść ruchu «Šachieda» śviedčać, što ŭ momant vybuchu robat užo byŭ nad horadam.
U toj ža čas, pa źviestkach «Biełaruskaha Hajuna», u aznačany pramiežak času avijacyi VPS RB nad Homielščynaj nie fiksavałasia.
U vyniku «Biełaruski Hajun» robić vysnovu, što siońnia ŭ 04:55 u Kalinkavičach vybuchnuŭ dron-kamikadze typu «Šachied». Zdetanavaŭ jon samastojna abo byŭ źbity siłami SPA — nieviadoma.
Pa stanie prynamsi na 17:30 nijakaj infarmacyi ad Minabarony ci MNS pa hetym vypadku nie było. Ci byli niejkija paciarpiełyja ŭ vyniku vybuchu — nieviadoma.
Try «šachiedy» zalacieli ŭ Biełaruś, u niebie ciapier i viertalot Łukašenki
Hetaj nočču ŭ Biełaruś zalacieŭ čarhovy «šachied»
Łatvija raźmiaściła na ŭschodzie krainy bajavyja hrupy z rakietami supraćpavietranaj abarony
U Biełaruś znoŭ zalacieŭ šachied. U hety ž čas u niebie byŭ viertalot Łukašenki
Łukašenka patłumačyŭ, čamu ŭ Biełarusi maŭčać, što praź jaje tudy-siudy lotajuć rasijskija šachiedy
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary