Minčanka vybiła piarednija zuby na samakacie, straciła praz heta muža, ale ciapier źbiraje miljony prahladaŭ u tyktoku
Muž znajšoŭ inšuju žančynu, a kab viarnuć svaju ŭśmiešku, spatrebicca niekalki hadoŭ i vialikaja suma hrošaj — ale dziaŭčyna nie straciła nadziei.
Niepryjemnaje zdareńnie ź Irynaj (goodgirlminsk) adbyłosia ŭ červieni 2024 hoda ŭ Minsku. Paśla padzieńnia z elektrasamakata dziaŭčyna trapiła ŭ balnicu, dzie joj dyjahnastavali poŭny vyvich piaci piarednich zuboŭ, adzin zub adrazu vydalili.
Ale jana nie razhubiłasia i pačała vieści «błoh błohiera biez zuboŭ», u jakim raspaviadaje pra svaje stamatałahičnyja i žyćciovyja pryhody. Roliki pra zuby źbirajuć bolš za miljon prahladaŭ, samym papularnym staŭ rolik z reakcyjaj blizkich. Asabliva paciešyŭ usich tvar šakavanaha muža ŭ balnicy.
«Muž u hałavie ličyć, kolki jamu treba budzie pracavać, kab vypravić situacyju», — žartavali ŭ kamientach.
Podpišiś ✅
Sapraŭdy, kab viarnuć uśmiešku, dziaŭčynu čakaje doŭhi i darahi šlach. Paśla źniaćcia šyny dziaŭčynie vydalili druhi z vyvichnutych zuboŭ. Chirurhi paraili joj admovicca ad kapy i naroščvańnia na paŭhoda — kab nie stracić astatnija zuby, im patrebny poŭny spakoj. Zatym joj pastaviać brekiety, jakija treba budzie nasić prykładna dva hady.
Tolki paśla hetaha joj pastaviać impłanty, i dziaŭčyna zmoža zaniacca estetykaj: pastavić karonki i viniry, bo dvuch zuboŭ užo niama, a try skołatyja. Dziaŭčyna aceńvaje hety praces u 3-4 hady i kruhleńkuju sumu $10 tysiač.
«Adsutnaść zuboŭ — dobraja adhavorka, kab pastavić žyćcio na paŭzu i ničoha nie rabić», — kaža dziaŭčyna. Dla siabie jana vybrała inšy šlach: jak i raniej tusujecca na kancertach, chodzić na bali, śpiavaje ŭ karaokie, źbiraje mierapryjemstvy i vyjezdy, zdymaje raspakoŭki i rekłamy.
«I ad mianie pa-raniejšamu nie syšoŭ muž». Z apošniaj zajavaj, praŭda, Iryna paśpiašałasia.
Miesiac tamu dziaŭčyna daviedałasia, što jaje čakaje razvod, bo ŭ jaje muža ŭžo bolš za hod jość inšaja žančyna.
✅ podpišiś
Kamientatary nie zmahli prajści mima hetaj padziei, pakinuŭšy šmat žartaŭ pra zuby i razvod — najlepšyja dziaŭčyna sabrała ŭ roliku, jaki sabraŭ 1,5 miljona prahladaŭ:
- «Akazałasia, jon tabie nie pa zubach»
- «Zuby sumiesna nažytyja byli ci što»
- «Šutki-šutkami, a futki-futkami»
- «Spadziajusia, vy jamu adpomścili. Voka za voka, zub za zub»
- «Siužet 7/10, emocyi 9/10, zuby 30/32 (nasamreč mienš)»
- «Napeŭna jamu čahości brakavała ŭ tabie».
Iryna pravodzić na vulicach Minska haradskija apytanki, kab daviedacca, ci pajšli b chłopcy ź joju takoju na spatkańnie. Niahledziačy na vidavočnuju adsutnaść zuboŭ, bolšaść maładych ludziej adkazvajuć stanoŭča — «čamu b i nie?».
«Naša Niva» — bastyjon biełaruščyny
PADTRYMAĆBiełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
U minskim šmatpaviarchoviku źjaviŭsia stolik, kab dzialicca z susiedziami ježaj. A vy b ryzyknuli pačastavacca?
Małady chłopiec pierajechaŭ u viosku, zavioŭ kurej z kozami i staŭ zorkaj tyktoku
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary