U minskim šmatpaviarchoviku źjaviŭsia stolik, kab dzialicca z susiedziami ježaj. A vy b ryzyknuli pačastavacca?
Biełaruskaja błohierka pakazała ŭ tyktoku, što ŭ padjeździe jaje šmatpaviarchovika ŭ Minsku niechta z susiedziaŭ pastaviŭ stolik dla taho, kab dzialicca ježaj z susiedziami.
Tyktok-błohierka Hanna Zdanovič viadomaja tym, što publikuje videa ź niezvyčajnaj padačaj straŭ dla dziaciej. Naprykład, ź jaječni jana stvaraje śmiešnych mińjonaŭ, z rysu z katletkaj — pandu, a sa spahieci z syram — miłaha lva. Dy navat prosty buterbrod u rukach kulinarnaj čaraŭnicy pieratvarajecca ŭ Hary Potera. Roliki błohierki nabirajuć sotni tysiač, a to i miljony prahladaŭ.
Ale ŭ hety raz Hanna pakazała stolik, jaki źjaviŭsia ŭ jaje padjeździe. Niechta z susiedziaŭ pakinuŭ na im maršmełaŭ, chatniaje vareńnie i niekalki słoikaŭ ź miodam. Znajšłasia i zapiska z tłumačeńniem: «Pavažanyja susiedzi! Davajcie tut dzialicca niepatrebnaj ježaj. Sa stała ŭsio možna zabirać».
Błohiercy ideja spadabałasia, ale jana spytała ŭ karystalnikaŭ tyktoku, ci ryzyknuli b jany niešta ŭziać sa stolika. Za 4 dni videa nabrała 463 tysiačy prahladaŭ.
A voś pa kamientaryjach možna adrazu zrazumieć, jakija ŭ kaho adnosiny z susiedziami. Bo varyjanty adkazaŭ ad «Nie stała b brać, u mianie pieršyja dumki, a raptam naplavali tudy» da «U nas u horadzie ŭsie adno adnaho viedajuć, my ŭsio žyćcio tak žyviom i dzielimsia».
Chapała tych, chto pastaviŭsia da idei skieptyčna: «Ja dumaju, u niekatorych damach zabiaruć usio razam, navat sa stolikam. A kali dom z prystojnymi susiedziami, jak u nas — nie voźmuć».
Źjavilisia i dumki, jak udaskanalić susiedski fudšerynh. «Lepš stvaryć čat susiedziaŭ i pisać, što žadaješ kahości pačastavać pirahom, naprykład», — napisała adna žančyna. Jana ŭdakładniła, što ŭ jaje zdarałasia situacyja, kali nieabchodna było terminova źjechać, a praz heta śviežy boršč pryjšłosia vylić.
Nie ŭsie acanili i spałučeńnie «niepatrebnaja ježa», bo, jak vyśvietliłasia, dla kahości ŭ hetu katehoryju traplaje vyklučna taja ježa, jakuju admoviŭsia dajadać kot.
Šmat chto adznačyŭ, što hatovy niešta pakłaści na taki stolik, ale ŭziać sabie ź jaho štości pabajaŭsia b. Chtości prosta vielmi hreblivy, a chtości baicca, što pakinutaja ježa (asabliva, chatniaha pryhatavańnia) moža być niebiaśpiečnaj.
«Ja b biez susiedziaŭ zastałasia. Hryby — heta asobny vid majho kulinarnaha mastactva», — pažartavała adna z kamientatarak.
Paŭtara limona, varanaja kurynaja nožka, rasolnik: jakuju ježu biełarusy addajuć zadarma nieznajomcam
«Dva ci try razy ludzi adhuknulisia, ale apošni čas vučać žyć», — historyi ludziej, jakija ŭ internecie prosiać nakarmić ich biaspłatna
U Minsku nabiraje papularnaść ruch tych, chto ničoha nie płacić za ježu. Jak heta pracuje?
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič44
Kamientary