U Minsku nabiraje papularnaść ruch tych, chto ničoha nie płacić za ježu. Jak heta pracuje?
Fudšerynh — heta sacyjalna-ekałahičny prajekt pa vyratavańni prydatnaj da ŭžyvańnia ježy ad utylizacyi i jaje razdačy achvotnym biaspłatna.
«Fudšerynh» utvaryŭsia ad anhlijskaha słova foodsharing (ježa + dzialicca). Na Zachadzie i ŭ Rasii hety ruch, jaki zaradziŭsia ŭ Hiermanii, staŭ nievierahodna papularnym. Asnoŭnaja dumka inicyjatyvy — racyjanalnaje vykarystańnie praduktaŭ. Tamu niepatrebnuju ježu možna addać biaspłatna. Heta nie tolki dabračynnaść, ale i ekałahičny prajekt. U śviecie ruch padtrymlivajuć u asnoŭnym kaviarni, restaracyi, piakarni dy hateli.
U Biełarusi fudšerynh znachodzicca pakul tolki ŭ sacyjalnych sietkach siarod ludziej, jakija majuć niepatrebnyja pradukty. U kryzis ruch nabiraje abaroty, zabirajuć absalutna ŭsio.
Minskaja supołka «Fudšerynh. Addam ježu daram Minsk» maje kala vaśmi tysiač padpisantaŭ. U preambule supołki zaznačana: «Źviartajem vašu ŭvahu, što my addajem pradukty absalutna biaspłatna! Nie pradajem i nie prosim niešta ŭ abmien abo ŭ padziaku! Naša meta — vyratavać dobruju ježu ad pamyjnicy i zaadno dapamahčy inšym ludziam».
Možna addavać pradukty dobraj jakaści, možna pačatyja ŭpakoŭki ci ŭłasna pryhatavanuju ježu, u jakoj chutka skončycca termin prydatnaści. Nielha addavać leki, ałkahol, sapsavanyja pradukty, abo śviežaść jakich vyznačyć niemahčyma (sa ściortymi terminami prydatnaści).
A chto ž addaje ježu? Jość ludzi, jakija źjazdžajuć z kvatery i nie majuć mahčymaści vieźci ježu z saboj, jość tyja, kamu ježa kazałasia nie da hustu. A ŭ inšych prosta paśla śviataŭ zastałosia zašmat praduktaŭ. Jeść achvotnyja pačać zdarovy ład žyćcia i prybrać ŭsio spakušalnaje: sasiski, piečyva.
Raźbirajuć pradukty zvyčajna za paru chvilin.
Zacikaviŭ navat kavałak piraha:
Žančyna kupiła tort na ramantyčnuju viačeru maładomu čałavieku, ale toj nie pryjechaŭ. Tort zabrali za piać chvilin.
Porcyja bulby sa śvininaj:
I šašłyki ad biełaruskamoŭnaj viehietaryjanki:
Ježu zvyčajna zabirajuć studenty, adzinokija žančyny ź dziećmi, ludzi z abmiežavanymi fizičnymi mahčymaściami. Šmat tych, chto šukaje pradukty dla ludziej, jakija trapili ŭ ciažkuju žyćciovuju situacyju abo dla badziažnych žyviołaŭ dy prytułkaŭ.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec117
Kamientary