Ministerstva infarmacyi 16 lutaha zładziła sieminar «Rola ŚMI ŭ zabieśpiačeńni kanstytucyjnych pravoŭ hramadzianaŭ pry praviadzieńni vybarčych kampanij».
Ministerstva infarmacyi 16 lutaha zładziła sieminar «Rola ŚMI ŭ zabieśpiačeńni kanstytucyjnych pravoŭ hramadzianaŭ pry praviadzieńni vybarčych kampanij».Na mierapryjemstva byli zaprošanyja, jak pradstaŭniki dziaržaŭnych, tak i niedziaržaŭnych vydańniaŭ.
VIP‑hościem sieminaru była pieršaja namieśnica kiraŭnika Administracyi prezidenta Natalla Piatkievič.Joj i było dadzienaje vitalnaje słova. Jana adrazu prapanavała prysutnym vystupać siedziačy. Pierš-napierš Piatkievič zaznačyła, što luboje rezanansnaje pytańnie, a tym bolš palityčnaja kampanija źjaŭlajucca pravierkaj ŚMI na prystojnaść.
Piatkievič z sumam kanstatavała: časam napiaredadni vybaraŭ ŚMI nahadvajuć «błyšyny rynak, dzie ŭsio pradajecca hurtam i ŭrazdrob».Čynoŭnica zaznačyła, što biełaruskija vydańni robiać kren u bok «kłubnički i žaŭcizny», a za pošukam «smažanych» faktaŭ nie zaŭsiody bačnyja surjoznyja temy.
Jana pryviała prykład, jak adna nienazvanaja hazieta źmiaściła na svaich staronkach fatahrafiju čynoŭnika z byłoj žonkaj. Na dumku Piatkievič, žurnalist navat nie padumaŭ, što parušaje pravy hetaj žančyny.
Taksama Piatkievič akcentavała svaju ŭvahu na aśviatleńni ŭ ŚMI situacyi ź śvinym hrypam u listapadzie letaś. Jana zaznačyła, što infarmacyja ab roście chvaroby dazavałasia, kab nie stvarać zališniaha chvalavańnia, kali dla jaho niama pryčyn.«A voś niezaležnyja ŚMI pačynali razduvać skandał, unosiačy kałasalnuju sumiacicu», — skazała N.Piatkievič.
Hienieralny dyrektar pradpryjemstva tut.by Jury Zisier na heta paryravaŭ: čamu dziaržaŭnyja ŭstanovy admaŭlalisia davać jakuju‑niebudź infarmacyju pra epidemiju, a dziaržaŭnyja vydańni zaniali pazicyju maŭčańnia. Moža ŭ advarotnym vypadku i nie zdaryłasia b nijakaj paniki.
«Ja zhodnaja. Ja pra heta doŭha dumała. Moža sapraŭdy varta było davać bolš infarmacyi», — skazała pieršaja namieśnica kiraŭnika Administracyi prezidenta. Adrazu ž Piatkievič raskazała, što ciaham dvuch dzion hladzieła naviny na telekanale CNN. Na jaje pohlad, naviny tam padajucca cikava, ale absurdna. Jana pryviała prykład ź Biłam Klintanam, kali pieršy dzień telekanał trubiŭ, što były prezident ZŠA trapiŭ u špital, a na nastupny dzień — pra jahonuju vypisku.
«Mnie było śmiešna heta hladzieć. Ja nie vyklučaju, što dzieści tam ludzi chvalujucca za los Klintana.
Ale ŭ nas niama takoj tradycyi. My, kaniečnie, možam taksama davać infarmacyju, kamu ź ministraŭ stała kiepska, chto adčuŭ niedamahańnie, ale ŭ hetym niama nijakaj patreby i sensu», — skazała N.Piatkievič.
Ministr infarmacyi Aleh Pralaskoŭski na mierapryjemstvie adsutničaŭ. Jaho zamianiała namieśnica Lilija Ananič. Jana daniesła infarmacyju adnosna pierarehistracyi ŚMI. «250 vydańniaŭ nie zajavili ab svaim žadańni praciahvać pracu. Adnačasova źjaviłasia 150 novych ŚMI», — zaznačyła Ł.Ananič.
Staršynia Centrvybarkamu Lidzija Jarmošyna adrazu skazała, što hramadstva bačyć vybary takimi, jak ich prynosiać ŚMI, a nie takimi, jakija jany jość nasamreč.
«U nas bolš papularnaja žoŭtaja presa, jakaja piša na zrazumiełyja ludziam temy. Dziaržaŭnym ŚMI ŭ hetym płanie ciažej. Tym nie mienš, isnuje dziaržaŭny zakaz na aśviatleńnie niekatorych mierapryjemstvaŭ, u tym liku vybaraŭ», — skazała Ł.Jarmošyna.
Staršynia CVK sfarmiravała dla siabie try praviły, jak žurnalisty pavinny aśviatlać vybary:
1. Aśviatlać rehularna, ale nie praźmierna;2. Zasiarodžvacca na detalach i padrabiaznaściach, a nie na ahulnaj infarmacyi;
3. Mienš zaklikaŭ, a bolš kankretyki.
Siarod parušeńniaŭ, jakija robiać ŚMI padčas vybaraŭ, Jarmošyna nazvała «kupiury vystupaŭ kandydataŭ na radyjo i TB, a taksama apublikavańnie prahram, jakija pieravyšajuć dazvoleny abjom». Zmahacca ž z hetym pavinna Naziralnaja Rada pry CVK, ale na miascovyja vybary jana stvoranaja nie budzie.
Zaŭvahi kštałtu, čamu ŭ dziaržaŭnych ŚMI dziejnaść apazicyi pakazvajecca tolki z admoŭnaha boku, a na telekanałach milhajuć tolki adny tvary, parušeńniem zakanadaŭstva ličycca nie buduć, bo «žurnalist maje prava na svaju ŭłasnuju pazicyju».
Redaktar BDH Piatro Marcaŭ aburyŭsia, što pra jakuju aŭtarskuju pazicyju možna havaryć, kali ŭsie elektronnyja ŚMI całkam manapalizavanyja dziaržavaj. I pra roŭnyja ŭmovy dla ŭsich kandydataŭ havaryć prosta niemahčyma.
«Absalutna kožny žurnalist maje prava na svajo pryvatnaje mierkavańnie. U kožnaha ŚMI jość niejki zasnavalnik. Chto płacić, toj i zamaŭlaje muzyku. Kali ty pracuješ u dziaržaŭnym ŚMI, to heta ŭžo tvoj vybar», — skazała na heta N.Piatkievič.
Piatkievič pryznałasia, što joj jak zvyčajnaj hladačcy nie chapaje na telebačańni hramadska‑palityčnych dyskusijnych prahram, dzie abmiarkoŭvalisia b prablemy ekanomiki, palityki, kultury. «Ja zasumavała ad dobraha stylu ŭ žurnalistaŭ», — zaznačyła jana.
«Nu voś Jakubovič dobra piša, —praciahnuła Ł.Jarmošyna. — Tolki kali jon piša słova «truizm», to ja adčuvaju ŭłasnuju niepaŭnavartaść».
Tusk zajaviŭ pra hatoŭnaść adkryć Babroŭniki i Kuźnicu ź listapada63
Kamientary