Hałoŭnaje ŭpraŭleńnie raźviedki Minabarony Ukrainy paviedamiła, što 15 vieraśnia ŭ Biełharadzie zabili rasijskaha prapahandysta Alaksandra Korabava pa mianušcy «Krab». Jon nibyta zahinuŭ ad udaru pa hałavie.
Jak piša HUR, prapahandyst pracavaŭ na kanale «Rasija 1» i byŭ kiraŭnikom jaho biełharadskaha punkta, taksama zdymaŭ materyjały dla telekanała rasijskaha Minabarony, za što byŭ nieadnarazova ŭznaharodžany. Akramia Biełharadskaj vobłaści, vyjazdžaŭ na pracu taksama na akupavanyja terytoryi Danbasa.
«Prapahandyst nie tolki rychtavaŭ chłuślivyja materyjały pra vajnu, ale i asabista ŭdzielničaŭ u ździajśnieńni ciažkich vajennych złačynstvaŭ suprać Ukrainy», — śćviardžaje HUR.
U paćviardžeńnie infarmacyi ŭkrainskaja raźviedka publikuje videa, na jakim čałaviek, padobny na Korabava, spačatku niekudy idzie, a paśla na fota lažyć užo nibyta miortvy.
Praŭda, pa inšych źviestkach, zamach na Korabava sapraŭdy byŭ, ale jon nibyta vyžyŭ. Tak, miascovaje vydańnie «Fonaŕ» śćviardžaje sa spasyłkaj na svaje krynicy, što prapahandyst trapiŭ u balnicu ŭ ciažkim stanie, «bo atrymaŭ traŭmy pry nieŭstanoŭlenych abstavinach». Jašče niekalkich biełharadskich pablikaŭ taksama paćviardžajuć hetyja danyja.
HUR Minabarony Ukrainy paćvierdziła infarmacyju pra źbity rasijski źniščalnik i pakazała VIDEA
HUR Ukrainy paćvierdziła ŭdar pa palavym składzie bojeprypasaŭ u Varoniežskaj vobłaści
Vajskoŭcy nie vieryli Syrskamu, kali jon raskazaŭ im pra płany. Stali viadomyja padrabiaznaści apieracyi ŭ Kurskaj vobłaści
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary