«Pytalisia, čamu ja nie staŭ šukać pracu ŭ Rasii, a źjechaŭ na Zachad»: biełarusa adpravili «na razmovu» ŭ aeraporcie Maskvy
Biełarusa, jakija lacieŭ na radzimu praz Maskvu, adpravili ŭ aeraporcie na dopyt i skačali źmieściva telehrama.
Mužčyna źjechaŭ ź Biełarusi na Zachad paśla 2020 hoda. Toje rašeńnie było nie palityčnym: prosta źjaviłasia mahčymaść žyć i pracavać u inšaj krainie za bolšyja hrošy.
U 2024 hodzie mužčyna ŭpieršyniu vyrašyŭ pajechać na radzimu. Lacieć vyrašyŭ praz Maskvu pa adnoj prostaj pryčynie: siabry, jakija jechali adrazu ŭ Biełaruś, raspaviadali, što biełaruskija pamiežniki dapytvali ich na miažy. Niekamu navat pryjšłosia zmarnavać niekalki hadzin na niepryjemnuju razmovu, ad jakoj nielha admovicca. Tamu mužčyna vyrašyŭ, što šlach praz Rasiju budzie kaštavać mienš sapsavanych niervaŭ.
Ale ž u maskoŭskim aeraporcie mužčynie skazali iści «na razmovu», jakaja ciahnułasia prykładna z paŭhadziny. Pa jaho nazirańniach, z takoj «prapanovaj» sutyknułasia niamała mužčyn z samalotu.
Pytańni zadavali maksimalna taktoŭna, ale jany ździvili biełarusa. Pytalisia, čamu jon vyrašyŭ emihravać na Zachad, kim pracuje i čamu nie pašukaŭ pracu ŭ Rasii, dzie bolš mahčymaściaŭ, čym u Biełarusi.
Naprykancy hutarki małady chłopiec, jaki jaje pravodziŭ, skazaŭ: «A ciapier davajcie svoj telefon». Biełarus spytaŭ, ci moža admovicca ad hetaha — surazmoŭca ŭ adkaz zaśmiajaŭsia i skazaŭ: «Kaniečnie, nie». Cikaviŭ siłavika vyklučna telehram — jon spampavaŭ usio źmieściva.
Kaho zatrymlivajuć paśla pravierki telefona na miažy? Nazirańni ź izalatara
Žycharka Bresta pryjechała z Polščy ŭ Biełaruś na pachavańnie — jaje zatrymali za danat
«Jeździli-jeździli, a potym ich nie vypuścili». Biełarusy sutykajucca ź jašče adnym vidam represijaŭ
Pravaabaroncy padličyli, kolki biełarusaŭ sioleta zatrymali paśla viartańnia z-za miažy
Ciapier čytajuć
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary