U Minsku startavaŭ «Vosieński sałon-2024» — adna z hałoŭnych placovak sučasnaha mastactva. U staličnym Pałacy mastactvaŭ adabrali pracy kala 200 biełaruskich aŭtaraŭ, piša «Točka».
Vystava sioleta jubilejnaja — dziasiataja pa liku.
«Vosieński sałon» užo praktyčna niemahčyma ŭjavić biez Alesi Skarabahataj — jana sabrała tut šmat pryzoŭ hladackich simpatyj. Na hety raz mastačka pradstaviła try novyja pracy.
Za «Sakavickaha zajca» prosiać Br35 560 ($11 233).
Karciny Alesia Bahdanava «Biazvychadnaja situacyja» i «Biazvychadnych situacyj nie byvaje» iduć na «Sałonie» pa Br10 500 ($3317) kožnaja.
Jašče adzin ulubioniec minskaj publiki — Fiodar Bažyn. Jon praciahvaje svaju sieryju «Pałosy žyćcia».
Maładaja mastačka Anastasija Čadzij z Mazyra praciahvaje raźvivać temu biełaruskaj pravincyi. Na hety raz jana vykarystoŭvaje vitražnaje škło, kieramiku, mietał.
Cana prac maładoj mastački — Br2250 ($711) za «Dziadulu» i Br825 ($261) za «Rušniki».
Z zały druhoha paviercha adkryli pramy prachod u halereju «Art-Biełaruś», dzie vystaŭleny raboty Chaima Sucina, Michaiła Kikoina, Vosipa Cadkina i Šrahi Carfina.
Kuratary chacieli pakazać dyjałoh pakaleńniaŭ. Ale ŭ vyniku ŭźnikła adčuvańnie, što da hetaj pieraklički z majstrami «Paryžskaj škoły» maładoje pakaleńnie padyšło zusim niepadrychtavanym — navat na ŭzroŭni pastanoŭki art-zadač.
Da svajho jubileju «Sałon» paśpieŭ rastracić duch buntarstva i svabody, a mastacki patencyjał pakul jašče źbiraje, apisvaje ŭražańni «Točka».
Vystava praciahniecca pa 13 kastryčnika ŭ staličnym Pałacy mastactvaŭ (vuł. Kazłova, 3).
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
Kamientary