Ukraincy vynajšli novy sposab vykarystańnia bieśpiłotnikaŭ, jaki maje žachlivyja nastupstvy
USU z dapamohaj bieśpiłotnikaŭ vypalvajuć rasijskija pazicyi ŭ Zaparožskaj vobłaści.
U sacyjalnych sietkach raspaŭsiudziłasia videa, źniataje ŭ Zaparožskaj vobłaści na poŭnač ad nasielenaha punktu Ukrainskaje. Na im pakazana, jak bajcy 108-j bryhady terytaryjalnaj abarony Ukrainy z dapamohaj bieśpiłotnika z zapalnaj sumieśsiu palać lasnuju pałasu ŭ tak zvanaj šeraj zonie.
Jak piša internet-sajt Militarnyi, vialikaja kolkaść iskraŭ i biełaha dymu dazvalaje zrabić vysnovu, što dla vykanańnia zadačy była vybrana bojehałoŭka, zapoŭnienaja termitam — sumieśsiu paraškoŭ mietałaŭ (aluminiju ci mahniju) z aksidami roznych mietałaŭ (zvyčajna žaleza).
Pry ŭzharańni jana intensiŭna haryć z vyłučeńniem vialikaj kolkaści ciapła. Zvyčajna tempieratura hareńnia składaje 2300-2700 °C, a ŭ vypadku vykarystańnia bolš mocnych akiślalnikaŭ, takich jak aksid nikielu, chromu abo valframu, značna vyšejšaja.
U pramysłovaści termity vykarystoŭvajuć dla zvarki mietałakanstrukcyj (u pryvatnaści, čyhunačnych rejek), a na vajnie — jak zapalny sastaŭ. U čas Druhoj suśvietnaj vajny zapalnyja bomby vykarystoŭvali termitnyja sumiesi.
Zvyčajna jany składalisia ź dziasiatkaŭ tonkich kanistraŭ, napoŭnienych termitam, padpalenych mahnijevym zapałam. Prymianieńnie takich snaradaŭ naniesła vielizarnuju škodu mnohim haradam z-za pažaraŭ.
Jak adznačajecca, ukrainskija vajennyja daŭno vykarystoŭvajuć termitnyja zarady ŭ vyhladzie svabodnapadajučych bojeprypasaŭ. Bieśpiłotniki skidvajuć ich u luki kinutaj braniatechniki i na dachi budynkaŭ, dzie znachodziacca źniščalniki voraha. Ale taki sposab, jak vypalvańnie miascovaści, adznačany ŭpieršyniu. Vializnaja tempieratura hareńnia dazvalaje źniščyć nie tolki travu, ale i inšuju raślinnaść.
Nieviadoma, kolki važyć bojehałoŭka. Samyja mahutnyja bieśpiłotniki FPV mohuć nieści da 8 kiłahramaŭ karysnaj nahruzki.
Paviedamlajecca, što košt takich bojeprypasaŭ pačynajecca ad 12 dołaraŭ. Ich kanstrukcyja vielmi prostaja, a kampanienty dastupnyja.
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški14
Kamientary
Jaho vykarystanieje zabaroniena tolki supraci cyvilnaha nasielnictva.
Značna efiektyŭniej. I lipnie da ŭsiaho .