«A hałavu ty doma nie zabyŭ?» Pahladzieli, pačym sioleta pradajuć kvietki da Dnia viedaŭ
Dzień viedaŭ u hetym hodzie vypadaje na 1 vieraśnia, tamu asnoŭnyja pieršyja zvanki ŭ škołach i himnazijach prahučać u paniadziełak, 2 vieraśnia. Dla mnohich abaviazkovy atrybut liniejki — bukiet dla lubimaha nastaŭnika. Pahladzieli, u jaki košt abyducca kvietki tym, chto nie maje ŭłasnaha ci babulinaha aharodzika ŭ rasparadžeńni.
Viečnaja kłasika z ružami budzie kaštavać ad 63 rubloŭ za 35 butonaŭ.
Minimalistyčny tematyčny bukiet, naprykład, z ałoŭkami ŭnutry mohuć sabrać ad 26 da 45 rubloŭ.
Papularnaja krama padarunkaŭ Present.simple taksama prapanoŭvaje admysłovuju kalekcyju bukietaŭ da Dnia viedaŭ u tematyčnym pakavańni z nadpisami «Vučać u škole». Navat nazvy kampazicyj vielmi havarkija: «A hałavu ty doma nie zabyŭ?», «Kabiniet dyrektara», «Łondan iz ze kepitał», «Biełaj krejdaj».
U kamientarach, praŭda, možna sustreć abureńnie niekatorych karystalnikaŭ, maŭlaŭ, za 45-85 rubloŭ prapanoŭvajuć takija tonieńkija vietački. «Soramna sabie ŭ vazu stavić, nie toje što daryć za šalonyja hrošy», — prakamientavała adna z žančyn.
Efiektnyja pyšnyja hartenzii, vietka jakoj užo vyhladaje jak samastojny bukiet, dastupnyja ad 55 rubloŭ.
Staryja dobryja hładyjołusy i astry, jakija možna kupić na rynku. Tak, na Kamaroŭcy pradaŭcy prosiać 15 biełaruskich rubloŭ za bukiet z 11 astraŭ ci 6 rubloŭ za adzin hładyjołus.
Za adzin ža jarki słaniečnik na rynku treba addać piać rubloŭ.
Kampazicyi ŭ košykach, jakija zručna nieści ŭ rukach, kaštujuć ad 50 rubloŭ u zaležnaści ad pradaŭca i składanaści dyzajnu.
Padobnyja košty i ŭ kramach abłasnych centraŭ. Tak, takija voś varyjanty abyducca baćkam i školnikam u Mahilovie ŭ 53 rubli.
Prezientabielna vyhladajuć viarhini, chryzantemy ci drobnyja ramonki. Haradzienskaja krama prapanoŭvaje sabrać miks na luby hust ad 30 rubloŭ.
Darečy, ekołahi rajać usim, chto žyvie z kłopatam pra pryrodu, abirać mienavita siezonnyja kvietki, tyja, jakija vyraśli ŭ naturalnych umovach, biez parnikoŭ i štučnaha aśviatleńnia. U Biełarusi heta ŭ pačatku vosieni najpierš viarhini, astry, hartenzii, hładyjołusy, słaniečniki, floksy. Nu i starajciesia paźbiahać upakoŭki, asabliva płastykavaj.
U škołach Biełarusi buduć pravodzić «ranišnija filtry». Što heta takoje?
Fakultatyŭ ab duchoŭna-maralnaj kultury ŭvodziać u škołach Biełarusi. Jon raspracavany sumiesna z Pravasłaŭnaj carkvoj
Stała viadoma, kolki buduć kaštavać školnyja abiedy ŭ novym navučalnym hodzie
U školnych stałoŭkach zabaranili pradukty z aramatyzatarami i etyłavym śpirtam
Ciapier čytajuć
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni3
«My čakali Połk Kalinoŭskaha, kab vyzvaliŭ nas». Palitviazień patłumačyŭ, čamu paprasiŭ ab pamiłavańni
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier33
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier3
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
A vy "prazdnujtie"