Sistema pa supraćdziejańni bieśpiłotnikam stvarajecca ŭ Biełarusi, paviedamiŭ kamandujučy vajenna-pavietranymi siłami i vojskami SPA Andrej Łukjanovič u intervju telekanału STB.
Bieśpiłotnyja latalnyja aparaty ličacca adnoj z samych istotnych sučasnych vajennych pahroz z-za sposabaŭ prymianieńnia, masavaści i małaprykmietnaści.
«Heta hałaŭny bol dla mnohich dziaržaŭ. I na siońnia panacei, abarony ad bieśpiłotnych latalnych aparataŭ niama. Tamu my, viadoma, nie staim na miescy, vyvučajem uvieś pieradavy vopyt, u tym liku ŭ ramkach Mižnarodnaha vajennaha supracoŭnictva», — raspavioŭ vysokapastaŭleny vajskoviec.
Pavodle słoŭ Łukjanoviča, u našaj krainie vyvučyli dośvied KNR i Irana ŭ vytvorčaści i prymianieńni dronaŭ. Ciapier u Biełarusi stvarajecca cełaja sistema baraćby ź bieśpiłotnikami.
«My stvarajem sistemu pa supraćdziejańni bieśpiłotnym latalnym aparatam, asnoŭnaja zadača jakoj — heta vyjaŭleńnie. U nas pieradavyja stancyi, u tym liku biełaruskaj vytvorčaści, pa vyjaŭleńni bieśpiłotnych latalnych aparataŭ», — paviedamiŭ hienierał-major.
Na druhim etapie — supraćdziejańnie srodkami REB (radyjoelektronnaj baraćby) i nastupnaje źniščeńnie zienitnymi rakietnymi kompleksami i avijacyjaj.
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary