55-hadovamu biznesmienu Jahoru Vołkavu prysudzili try hady kałonii za danaty i ŭdzieł u pratestach
Prysud vynieśli try miesiacy tamu, ale viadoma pra jaho stała tolki ciapier.
Jahoru Vołkavu 55 hadoŭ. Jon minčuk, vučyŭsia ŭ 50-j škole. Paśla skončyŭ Minski radyjotechničny instytut (ciapier — Biełaruski dziaržaŭny ŭniviersitet infarmatyki i radyjoelektroniki).
Z 1990-ch Vołkaŭ pačaŭ zajmacca biznesam. Viadoma, što jaho śfiera — heta hruzapieravozki, u tym liku vadkich hruzaŭ. Biznes mužčyny davoli bujny, aŭtapark jaho firmy — da sotni hruzavych aŭto.
Data zatrymańnia Vołkava nieviadomaja. Sud nad im pačaŭsia naprykancy krasavika, a skončyŭsia naprykancy maja 2024 hoda. Jaho abvinavačvali pa artykule 361-2 KK, «finansavańnie ekstremisckaha farmiravańnia» i 342 KK, «udzieł u pratestach». Sudziła jaho Tamara Unukievič u Minskim haradskim sudzie, jakaja zaśviaciłasia ŭ asnoŭnym u adchileńni skarhaŭ pa roznych palityčnych prysudach.
Stała viadoma, što Vołkavu prysudzili 3 hady kałonii za adno achviaravańnie i fota z pratestaŭ. Inšyja akaličnaści spravy nieviadomyja. Prysud ustupiŭ u siłu 23 lipienia.
«Naša Niva» — bastyjon biełaruščyny
PADTRYMAĆ
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary