Doktar Martaŭ, jakoha zatrymlivali ŭ Rasii, zmoh vyjechać u Litvu
Viciebski reanimatołah Uładzimir Martaŭ znachodzicca ŭ biaśpiecy ŭ Litvie, paviedamiŭ telehram-kanał «Viciebsk, ja hulaju».
Jak jamu ŭdałosia vybracca paśla zatrymańnia ŭ Rasii, nieviadoma, ale, napeŭna, nieŭzabavie pra heta jon raskaža sam.
Infarmacyju paćvierdziŭ i Andrej Stryžak u svaim telehram-kanale.
Uładzimir Martaŭ pakinuŭ prafiesijnuju miedycynu ŭ 2021 hodzie — tady ź im nie praciahnuli pracoŭny kantrakt. Doktara pačali pieraśledvać paśla taho, jak jon zahavaryŭ u niedziaržaŭnych ŚMI pra toje, što statystyku śmiarotnaści ad karanavirusa prychoŭvajuć i što jość prablemy arhanizacyi miedycynskaj dapamohi chvorym na karanavirus — u pryvatnaści, pieraboi z pastaŭkami kisłarodu ŭ reanimacyju balnicy.
Jon śćviardžaŭ, što praz heta ŭ kancy 2020 hoda pamierli niekalki čałaviek, jakija znachodzilisia na aparatach štučnaj vientylacyi lohkich, tady jak ułady zapeŭnivali, što ad novaj infiekcyi pakul nichto nie pamior.
Paśla takich śćviardžeńniaŭ, zroblenych Uładzimiram Martavym u intervju niezaležnym ŚMI, u kancy krasavika 2020 hoda byŭ zvolnieny hałoŭny doktar Viciebskaj balnicy chutkaj dapamohi Siarhiej Łazar.
Uładzimir Martaŭ pakinuŭ Biełaruś u 2022 hodzie — praź niekalki miesiacaŭ paśla taho, jak jaho asudzili da aryštu na 7 sutak za bieł-čyrvona-bieły ściažok na avatarcy ŭ fejsbuku.
U mai paviedamlałasia pra jaho zatrymańnie ŭ Leninhradskaj vobłaści.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary