Hramadstva1010

Valeryj Sachaščyk zarehistravaŭ novuju kampaniju i pašyryŭ svoj biznes na Bielhiju 

Valeryj Sachaščyk niadaŭna pakinuŭ pasadu «ministra abarony» ŭ Abjadnanym pierachodnym kabiniecie, zajaviŭšy siarod inšaha, što «pryniaŭ rašeńnie zasiarodzicca na raźvićci svajho biznesu». Vydańnie Plan B. daviedałasia, u jakim stanie ciapier hetaja śfiera, u jakuju ŭkładaje svaje siły i enierhiju były vajskoviec i palityk. 

Valeryj Sachaščyk

Zamiest praciahu palityčnaj dziejnaści stała viadoma, što Sachaščyk zarehistravaŭ novuju biznes-strukturu i naroščvaje partfiel zakazaŭ za košt novaha rynku — bielhijskaha.

Ciapier jon vałodaje tracinaj dolaŭ i źjaŭlajecca staršynioj praŭleńnia siamiejnaj hrupy kampanij SK — Bud & Sahaty — najbujniejšaha budaŭničaha biznesu siarod bolš čym 400 anałahičnych kampanij biełarusaŭ u Polščy i prykładna 500 va ŭsim Jeŭrasajuzie.

Jak vyśvietliŭ Plan V., pa vynikach 2023 hoda hałaŭnaja struktura siamiejnaha biznesu Sachaščykaŭ — kampanija Sahaty — zarabiła amal 15 młn jeŭra vyručki i 150 tys. jeŭra čystaha prybytku. Pa vyručcy — heta pieršaje miesca siarod usich pryvatnych biełaruskich budaŭničych kampanij nie tolki ŭ Polščy, ale i ŭ ES. I, prynamsi, adno ź miescaŭ u top-50 usich biznesaŭ suajčyńnikaŭ u Jeŭropie.

U paraŭnańni z papiarednim pieryjadam finansavyja pakazčyki Sahaty skaracilisia. U 2022-m było, adpaviedna, 20 młn i 200 tys. jeŭra. Ale rehres charakterny dla ŭsiaho biełaruskaha budaŭničaha, dy i nie tolki biznesu ŭ Polščy, aprača tolki IT-haliny.

Hetyja abjomy letaś siamja Sachaščyka zarabiła na bolš čym 50 budoŭlach, u asnoŭnym na subpadradzie. U bolšaści jany byli ŭ Polščy, ale taksama ŭ Hiermanii i ŭ Bielhii, rynak jakoj pačaŭ asvojvacca z kanca 2023-ha.

U Polščy Sahaty budavaŭ žyłyja kompleksy ŭ Hdańsku, Varšavie, Krakavie, Poznani, Chožavie. U hramadzianskim siektary firma ŭdzielničała va ŭźviadzieńni studyi na terytoryi štab-kvatery Polskaha telebačańnia (TVP Warszawa), budynkaŭ muzyčnych akademij u Bydhaščy i Katavicach, transpartna-pierasadačnaha vuzła ŭ Zabže, čyhunačnaha vakzała ŭ Tłuščy.

Byli ŭ partfieli i pramysłovyja abjekty: pašyreńnie kandytarskaj fabryki Lotte Wedel u Varšavie i ŭźviadzieńnie cecha bujnoha vytvorcy blašanak BallPackaging u Lublinie.

U Hiermanii, dzie dziejničaje daččynaja kampanija Sahaty, biełaruskija bryhady pracavali ŭ Bierlinie, Miunchienie, Miunstary, Hanoviery i inšych haradach krainy.

U 2024-m Sachaščyk zarehistravaŭ novuju budaŭničuju kampaniju Chicago Urban Development, zaviaršaje pačatyja budoŭli i pašyraje partfiel zakazaŭ. Z polskich samy znakavy — heta ŭdzieł va ŭźviadzieńni treciaj čarhi terminała zvadkavanaha hazu imia Lecha Kačynskaha ŭ Śvinavuści, jaki zabiaśpiečvaje niezaležnaść Polščy ad rasijskaha hazu.

Tam ža, na ŭźbiarežžy Bałtyki, Sahaty buduje žyłyja kompleksy i hateli, u inšych častkach Polščy i ŭ Hiermanii — damy i hramadzianskija abjekty.

U pačatku biahučaha hoda kampanija zdała pieršy abjekt na novym rynku — u Bielhii, a taksama atrymała ŭ hetaj krainie novyja zakazy. Samy značny — udzieł u budaŭnictvie bujnoha žyłoha kompleksu ŭ Miechielenie. 

Kamientary10

  • Ježyn Zbožyn
    05.08.2024
    Hrantakručkatvorcy pieratruć i vyplunuć jašče nie adnaho takoha hieroja.
  • Ź jaho ministr abarony jak z Łuki prezident
    05.08.2024
    A hrošy na kalinoŭcaŭ ludzi źbirajuć
  • Imia
    05.08.2024
    Ježyn Zbožyn, a hieraizm u čym?

Ciapier čytajuć

Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu1

Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu

Usie naviny →
Usie naviny

Pieršaja kraina Jeŭrasajuza zabaraniła ŭjezd Bińjaminu Nietańjachu5

Pa «spravie Hajuna» aryštavali zasnavalnika art-vioski na Homielščynie7

Biełaruska znajšła va ŭpakoŭcy skumbryju «nie taho malunku». U čym prablema?3

Rasijskija samaloty lotali kala Alaski, ZŠA padymali źniščalniki

Indyja paprasiła ŭ Trampa dazvołu kuplać naftu ŭ Irana i Vieniesueły, kab nie kuplać rasijskaj1

«Nierazumieńnie taho, što nie jon, a Śviatłana ciapier centralnaja fihura. Na škodu hramadskim intaresam»40

«U nas intervju CNN nie pad ženščynu». Jak biełarusy kamientujuć u sacsietkach kanflikt Cichanoŭskich25

35‑hadovy biełaruski fizik trapiŭ u śpis samych cytavanych navukoŭcaŭ śvietu4

U centry Minska jość škoła sa stadyjonam na dachu4

bolš čytanych navin
bolš łajkanych navin

Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu1

Mastakoŭ Rymašeŭskaha i Ščamialovu pratrymali amal hod u SIZA, ale dali taki termin, kab u sudzie adpuścić dadomu

Hałoŭnaje
Usie naviny →

Zaŭvaha:

 

 

 

 

Zakryć Paviedamić