Čamu pres-słužba Pucina apublikavała z Vałaama fota Łukašenki ź niavyhadnaha rakursu?
Fota Alaksandra Łukašenki ź niadaŭniaj pajezdki na Vałaam, jakija apublikavała pres-słužba Pucina, vystavili palityka ŭ niavyhadnym rakursie. Zatoje hetyja zdymki ŭdałyja dla Pucina, adznačyŭ u efiry jutub-prahramy «Obyčnoje utro» analityk Alaksandr Frydman.
«Miarkuju, tamu ich i apublikavali. Na fonie Łukašenki Pucin vyhladaje vielmi navat dobra», — zaŭvažaje analityk.
Frydman pryvodzić prykład z historyi HDR. U 1970-1980-ja dastatkova ŭpłyvovym byŭ funkcyjanier Sacyjalistyčnaj adzinaj partyi Hiermanii Hierman Aksen, jaki adkazvaŭ u tym liku za ideałohiju, suviazi z sacyjalistyčnymi krainami.
«Jon vyhladaŭ nie asabliva prezientabielna. U asiarodździ dysidentaŭ HDR u jaho była mianuška «spluščanaja mieduza». Funkcyjaniery HDR vysokaha ešałonu sačyli za tym, kab na aficyjnych fotazdymkach jon stajaŭ pobač ź imi, bo ličyli, što na fonie Aksena vyhladajuć asabliva prezientabielna».
«Ja dumaju, što heta z toj ža historyi: «Na fonie voś hetaha chłopca ja vyhladaju dastatkova dobra, žvava, cudoŭna. Hladzicie na kantraście». Dumaju, što heta padspudna zachodzić u hałovy ludziej i tam zastajecca.
Tak što, ja dumaju, hetyja fatahrafii navat nie dla taho, kab pakryŭdzić Łukašenku, pakazać jamu miesca. Ich Łukašenka nie cikavić. Im hałoŭnaje, kab svoj bos vyhladaŭ dobra. Treba pryznać, što ŭ śviecie nie tak šmat palitykaŭ, na fonie jakich Uładzimir Pucin sapraŭdy vyhladaje dobra».
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary