Stali viadomyja padrabiaznaści žorstkaj avaryi, u jakuju trapiŭ płyviec Curkin
33-hadovy płyviec Jaŭhien Curkin, jaki siońnia trapiŭ u avaryju, vykłaŭ u sacsietki videa i raskazaŭ niekatoryja padrabiaznaści, piša «Trybuna».
Jak akazałasia, eks-płyviec, jaki ciapier žyvie i pracuje ŭ Varšavie, nie spraviŭsia z kiravańniem elektrasamakatam. 26 lipienia Curkin jechaŭ na hetym transparcie na treniroŭku i «nie zaŭvažyŭ korab, jaki prykryvaŭ kabiel». Vynik — «uvatknuŭsia ŭ asfalt hałavoj, jak straus u piasok».
Curkin atrymaŭ raśsiačeńnie łoba, surjoznyja traŭmy na nosie i padbarodku, pravaj ruce, plačach i kaleniach. Ale samaje niepryjemnaje — troch piarednich zuboŭ «užo niama, ###, paskakali, jak zajčyki pa poli».
U kancy videa Curkin pažadaŭ usim bierahčy siabie i paabiacaŭ paźniej raskazać, jak adnaviŭsia.
Miedycynskija pasłuhi jamu ŭžo abyšlisia ŭ 510 złotych, heta značyć u 130 dołaraŭ. Curkin taksama prademanstravaŭ padpisčykam złaščasny korab i znojdzieny na miescy padzieńnia zub.
Da sioletnich padziej eks-spartsmien nie nahadvaŭ pra siabie ź minułaha hoda. U sakaviku 2023-ha hučnaj navinoj stała zajava jahonaj žonki, słavutaj płyŭčychi Alaksandry Hierasimieni, što jany z Curkinym razvodziacca.
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary