U Biełarusi nasamreč spynili tranślacyju rasijskaha vajennaha kanała «Źviezda»? Nie ŭsio tak prosta
Djabał u drobiaziach — dla absalutnaj bolšaści karystalnikaŭ viaščaje taja ž prapahanda, pryčym navat u palepšanaj jakaści, «Źviezda HD».
Tranślacyja rasijskaha vajennaha telekanała «Źviezda» ŭ efirnym telebačańni «Zała» spyniłasia 22 lipienia 2024 hoda.
Infarmacyja pra heta źjaviłasia na sajcie «Biełtelekama».
Jana vyklikała abureńnie ŭ prarasijskich aktyvistaŭ, bo «Źviezda» — telekanał z ahresiŭnaj prapahandaj, jaki naležyć miedyjahrupie Ministerstva abarony Rasii.
Ale ci nasamreč biełarusy bolš nie zmohuć pabačyć rasijskija vajennyja naviny ad «Źviezdy»?
«Zała» — najbujniejšy teleapieratar Biełarusi, u jaho bolš za 2,5 miljona abanientaŭ. Sihnał možna atrymlivać tryma sposabami — praz prystaŭku, praź internet, a taksama praz antenu.
Praz antenu (efirnaja «Zała») hladziać telebačańnie tyja, chto žyvie ŭ addalenych rehijonach, dzie niama ŭstojlivaha internet-złučeńnia. Kolkaść kanałaŭ dla takich abanientaŭ mienšaja, tolki 45 kanałaŭ. I voś tolki dla ich «Źviezdu» bolš nie pakazvajuć.
U astatnich karystalnikaŭ «Zały» jość techničnaja mahčymaść hladzieć 125 kanałaŭ. I dla ich rasijski vajenny kanał viaščaje pa-raniejšamu. Pryčym nie aby-jaki, a ŭ pavyšanaj jakaści — «Źviezda HD».
Ale papularnaść hetaha kanała nižejšaja za statystyčnuju pamyłku. U biełaruskija rejtynhi telehladzieńnia «Źviezdu» navat nie ŭklučajuć, u Rasii kanał zajmaje 17-je miesca.
Ciapier čytajuć
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf33
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf3
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj44
Kamientary