«Na pieršym dopycie ja raskazaŭ usio, što viedaŭ». Stryžak pra toje, jak u 16 hadoŭ padstaviŭ aktyvistku
«Heta dla mianie taki chałodny duš, jaki pakazvaje, što byvaje ź ludźmi».
Pra niepryjemny fakt u svaim žyćci kiraŭnik Fondu salidarnaści BySol Andrej Stryžak raskazaŭ u novym vypusku TOKu.
Pa jaho słovach u listapadzie 2000 hoda (na toj momant jamu było 15 hadoŭ), jon patrapiŭ u filijał Ofisu hramadzianskich inicyjatyŭ u Rečycy. Z taho momantu Stryžak pačaŭ aktyŭna prymać udzieł u dziejnaści hetaj hramadskaj arhanizacyi.
U nastupnym, 2001 hodzie, na dzień narodzinaŭ Łukašenki aktyvisty sabrali jamu «padarunak» i adnieśli ŭ Homielski harvykankam. Hety ŭčynak pasłužyŭ padstavaj dla zaviadzieńnia kryminalnaj spravy na adnu z aktyvistak arhanizacyi, Natallu Brel, za abrazu prezidenta.
«Mnie tady było ŭžo 16 hadoŭ, i mianie paciahnuli na dopyt. Heta byŭ samy pieršy dopyt u maim žyćci, i ja na im nahavaryŭ. (…) Mianie vypytvali, chto byŭ, jak pryjšli. Ja raskazaŭ usio, što viedaŭ,» — zhadvaje Stryžak i tłumačyć, što heta adbyłosia tamu, što ŭ jaho «nie było nijakaha dośviedu i razumieńnia, što z hetym treba rabić».
«Zrazumieła, što byŭ niejki minimalny instruktaž pierad hetym. Ale kali z taboj niama pobač čałavieka, jaki b ciabie abaraniaŭ, advakata, to heta vielmi składana», — adznačaje mužčyna.
Stryžak pryhadvaje, što Natallu Brel niejki čas pratrymali ŭ IČU ŭ Rečycy, potym jana źjechała ŭ Bielhiju. Z toj pary jon z Natallaj nie kantaktavaŭ.
«Kali ty niešta zrabiŭ, za što tabie soramna, to ty staraješsia hetuju situacyju ŭnutry siabie refleksavać takim čynam, što nie zaŭsiody hatovy z čałaviekam razmaŭlać», — pryznajecca Stryžak i kaža, što, mahčyma, Natalla pabačyć intervju i heta pasłužyć nahodaj dla razmovy.
«Heta dla mianie taki dobry chałodny duš, jaki pakazvaje, što byvaje ź ludźmi. Tamu ja z razumieńniem staŭlusia da situacyi, kali chtości daŭ niejkija pakazańni na kahości», — dadaje Stryžak.
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary
no i na vsiech ostalnych!