Na BT zapuścili šou «Dobry viečar!» Hościa pieršaha vypusku — zorka rasijskaha šansona Vika Cyhanova
Ciapier uviečary pa subotach na «Biełaruś 1» buduć pakazvać siamiejna-muzyčnaje šou.
Biełteleradyjokampanija robić čarhovuju sprobu stvaryć subotniaje viečarovaje šou. Papiaredniaje padobnaje šou «Makajonka, 9» ź Jaŭhienam Pierlinym vychodziła z 2018 da 2020, ale paśla pačatku masavych pratestaŭ viadučy zvolniŭsia, tamu prajekt zakryŭsia naturalnym čynam. Zrešty, kiraŭnictva BT davodziła, što ŭ «Makajonka, 9» byli katastrafična nizkija rejtynhi, tamu, maŭlaŭ, ad prajekta ŭsio adno źbiralisia admaŭlacca.
Tak ci inačaj, ciapier uviečary pa subotach na «Biełaruś 1» buduć pakazać siamiejna-muzyčnaje šou «Dobry viečar!»
Čas abrany niečakany — ažno 21:40, paśla «Panaramy». Miarkujecca, što hledačy buduć słuchać pieśni, razbaŭlenyja razmovami ŭ studyi, da 23:25. Ale kali praz doŭhija pramovy Alaksandra Łukašenki «Panarama» zaciahniecca, siamiejnyja pieśni mohuć zaciahnucca i da apoŭnačy.
Što ŭjaŭlaje saboj «Dobry viečar»? Heta pasiadziełki muzykantaŭ u studyi razam ź viadučym Dzianisam Pacevičam.
Na praciahu prahramy vykonvajecca kala 10 piesień, pieravažna vystupajuć udzielniki roznych siezonaŭ «Faktar.BY». Hałoŭnaja zaprošanaja zorka ŭ premjernym vypusku — rasijskaja šanson-śpiavačka Vika Cyhanova.
Kamientary