51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza
Siarod padpisantaŭ — nobieleŭski łaŭreat pa litaratury Śviatłana Aleksijevič.
51 nobieleŭski łaŭreat padpisaŭ list da palitykaŭ i relihijnych lidaraŭ z zaklikam ab nieadkładnym spynieńni ahniu pamiž Rasijaj i Ukrainaj i ŭ siektary Haza. Pra heta śviedčyć zvarot, apublikavany siońnia rasijskaj «Novaj hazietaj».
Padpisanty adznačyli nastupstvy vajny suprać Ukrainy dla roznych krain, u pryvatnaści havorka idzie pra situacyju z charčavańniem u krainach Afryki i mihracyjnych pracesach u Jeŭropie. Jany taksama vykazali niezadavolenaść rostam abaronnych biudžetaŭ u śviecie.
Akramia taho, nobieleŭskija łaŭreaty zajavili, što na vojnach bolš hinuć ludzi va ŭzroście ad 30 da 40 hadoŭ, dadaŭšy: «Heta aznačaje, što kožnyja 100 tysiač zabitych — heta 4 miljony hadoŭ budučyni!
Jany zaklikali pryniać u adnosinach da vojnaŭ va Ukrainie i siektary Haza nastupnyja miery:
- nieadkładnaje spynieńnie ahniu;
- abmien pałonnych pa pryncypie «ŭsich na ŭsich», vyzvaleńnie zakładnikaŭ i viartańnie ciełaŭ zahinułych;
- pačatak pieramovaŭ.
«Kali palityki nie mohuć damovicca, to chaj adniasuć vyrašeńnie pytańniaŭ na sud budučych pakaleńniaŭ i spyniać ahoń», — havorycca ŭ liście.
Zvarot adrasavany Papu Rymskamu, Usialenskamu patryjarchu Varfałamieju, Dałaj-łamie XIV, udzielnikam vojnaŭ, AAN, Jeŭraparłamienta i Parłamienckaj asamblei Rady Jeŭropy.
Siarod padpisantaŭ — nobieleŭski łaŭreat pa litaratury Śviatłana Aleksijevič, aŭstryjskaja piśmieńnica Elfryda Jeliniek, redaktar «Novaj haziety» Dźmitryj Murataŭ.
Kamientary