Pieršaja łedzi Zimbabve sustrełasia ŭ Minsku ź Irynaj Abielskaj i ministram Chadžajevym
Na sustrečy prysutničaŭ biznesoviec Alaksandr Zinhman.
Žonka prezidenta Zimbabve Aksilija Mnanhahva sustrełasia ŭ Minsku ź ministram achovy zdaroŭja Alaksandram Chadžajevym. Na sustrečy taksama prysutničała hałoŭnaja doktarka Respublikanskaha miedcentra, sienatarka, mama Koli Łukašenki Iryna Abielskaja, a taksama biznesoviec Alaksandr Zinhman. Pra sustreču pieršaja łedzi Zimbabve napisała ŭ sacsietcy X.
«Ja mieła honar sustrecca ź ministram achovy zdaroŭja Biełarusi spadarom Alaksandram Chadžajevym. My abmierkavali prahres, jakoha my dasiahnuli dziakujučy vykarystańniu sučasnaj mabilnaj balnicy. Ja taksama raspavviała jamu pra pośpiechi, dasiahnutyja daktarami, jakija prajšli navučańnie ŭ Biełarusi. Jon byŭ rady daviedacca, što kamanda daktaroŭ naviedała mnohija addalenyja rajony Zimbabve ŭ ramkach staranna raspracavanaj infarmacyjna-prapahandysckaj prahramy, nakiravanaj na zabieśpiačeńnie zdaroŭja dla ŭsich, asabliva dla ludziej, jakija žyvuć u marhinalizavanych supolnaściach.
Jak pasoł achovy zdaroŭja, ja skarystaŭłasia mahčymaściu, kab zaprasić Biełaruś navučyć bolš daktaroŭ i razhledzieć mahčymaść inviestavańnia ŭ farmaceŭtyčny siektar Zimbabve, kab pavialičyć popyt na leki ŭ Zimbabve. Uličvajučy centralnaje raźmiaščeńnie našaj krainy, heta moža prynieści karyść inšym krainam SADS (Krainy supolnaści Paŭdniovaj Afryki).
Ministr Chadžajeŭ byŭ rady dać ekśpiertnyja viedy, i ja zapeŭniła jaho, što, kali viarnusia dadomu, pieradam hety dobry žest, kab Ministerstva achovy zdaroŭja pačało pracavać nad formułami dla dasiahnieńnia hetaj mety», — napisała Aksilija Mnanhahva.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Čaho - jana jašče i hrošaŭ ad nas čakaje?!